ملک میں سونے کی قیمت میں آج بڑی کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 3 ہزار 600 روپے کی کمی ہوئی، جس کے بعد سونا 4 لاکھ 65 ہزار 536 روپے فی تولہ ہوگیا۔
اسی طرح 10 گرام سونے کی قیمت بھی 3 ہزار 86 روپے کم ہوکر 3 لاکھ 99 ہزار 122 روپے ہوگئی۔
عالمی بازار میں بھی سونے کی قیمت 36 ڈالر کی کمی کے بعد 4 ہزار 430 ڈالر فی اونس ہوگئی ہے۔
واضح رہے کہ گزشتہ روز ملک میں فی تولہ سونے کی قیمت میں 3 ہزار 900 روپے کا اضافہ ریکارڈ کیا گیا تھا۔
