اسلام آباد (آئی این پی) پاکستان نے ٹوئٹرپلیٹ فارم پر بھارت کی ہیرا پھیری پر سخت تشویش کا اظہار کرتے ہوئے کہاہے کہ بھارتی حکومت نے ٹوئٹر کے سکیورٹی سسٹم میں دراندازی کی کوشش کی، پاکستان کو اس حوالے سے بھارتی اور امریکی میڈیا میں آنے والی خبروں پر سخت تشویش ہے۔ پیر کو اپنے ایک بیان میں ترجمان دفتر خارجہ کا کہنا تھا کہ بھارتی حکومت نے ٹوئٹر کے سکیورٹی سسٹم میں دراندازی کی کوشش کی، پاکستان کو اس حوالے سے بھارتی اور امریکی میڈیا میں آنے والی خبروں پر سخت تشویش ہے۔
ترجمان کے مطابق میڈیارپورٹس کے مطابق معاملہ بھارتی پارلیمانی اسٹینڈنگ کمیٹی برائے آئی ٹی کو ٹوئٹرکی بریفنگ میں سامنے آیا، ٹوئٹر کے ایک سابق ملازم کی جانب سے امریکا میں قانونی بیانات پربھی بات کی گئی۔ترجمان کا کہنا ہیکہ ٹوئٹرپرکشمیریوں اور میڈیا پرسنز کو بھارت کے غیر سنجیدہ قانونی اعتراضات پر بلاک کیا جاتا ہے، یہ کارروائیاں بین الاقوامی معیارات، اصولوں اور معلومات کے بہا کے فریم ورک کے خلاف ہیں، بھارت پاکستان کے سفارتی مشنز اور ریڈیوپاکستان کے ٹوئٹر اکانٹس کی بندش فوری طورپر واپس لے۔ترجمان دفتر خارجہ نے مطالبہ کیا ہے کہ بھارت اقوام متحدہ کے آزادی اظہار کے قائم بین الاقوامی اصولوں اور معیارات کی پاسداری کرے، بھارت عالمی سطح پر انٹرنیٹ ڈومین کو کنٹرول کرنے کے لیے حیلوں بہانوں کے استعمال سے باز رہے۔۔۔۔۔
