’جراسک پارک‘ اور ’پیکی بلائنڈرز‘ جیسے مقبول منصوبوں میں اپنی شاندار اداکاری سے شہرت حاصل کرنے والے ہالی ووڈ اداکار سیم نیل 78 برس کی عمر میں انتقال کر گئے۔
سیم نیل کے اہل خانہ کے مطابق ان کا انتقال 13 جولائی کو آسٹریلیا کے شہر سڈنی میں ہوا۔ خاندان نے بتایا کہ ان کی موت اچانک ہوئی، تاہم وہ کینسر کے مرض سے صحت یاب ہو چکے تھے اور اپنی زندگی کے آخری ایام باوقار انداز میں گزار رہے تھے۔
سیم نیل نے 2023 میں انکشاف کیا تھا کہ انہیں نان ہاجکن لیمفوما کی ایک خطرناک قسم کی تشخیص ہوئی تھی۔ علاج کے بعد انہوں نے رواں سال بتایا تھا کہ ان کے جسم میں کینسر کے کوئی آثار باقی نہیں رہے۔
1947 میں شمالی آئرلینڈ میں پیدا ہونے والے سیم نیل بچپن میں نیوزی لینڈ منتقل ہو گئے تھے۔ انہوں نے اپنے فنی سفر کا آغاز تھیٹر سے کیا اور بعد ازاں آسٹریلوی اور ہالی ووڈ فلم انڈسٹری میں اپنی منفرد پہچان بنائی۔
فلم ’جراسک پارک‘ میں ڈاکٹر ایلن گرانٹ کا کردار ان کے کیریئر کا سب سے نمایاں کردار ثابت ہوا، جسے انہوں نے اس فلمی سلسلے کی متعدد فلموں میں دوبارہ ادا کیا۔
سیم نیل کے انتقال سے عالمی فلمی صنعت ایک باصلاحیت اور مقبول اداکار سے محروم ہو گئی ہے۔
تازہ ترین خبروں کے لیے پی این آئی کا فیس بک پیج فالو کریں
