امریکا اور ایران کے درمیان جنگ بندی میں پاکستان کے کلیدی کردار کو عالمی سطح پر بھرپور پذیرائی ملنے لگی۔
، امریکی رکنِ کانگریس جیک بریگ مین نے وزیراعظم پاکستان اور فیلڈ مارشل عاصم منیر کےنام تعریفی خط ارسال کیاہے،خط میں کانگریشنل پاکستان کاکس کی جانب سےپاکستان کی سیاسی اورعسکری قیادت کیلئےمخلصانہ تشکر اور دائمی قدردانی کا اظہارکیاگیا ہے۔
امریکی رکنِ کانگریس جیک بریگ مین نےکہاکہ پاکستان کاامریکا اور ایران کومذاکرات کی میزپرلاناحقیقی ریاستی بصیرت کاثبوت ہے،انہوں نےامن مذاکرات میں پاکستانی سیاسی اور عسکری قیادت کی رہنمائی پردلی شکریہ بھی ادا کیا۔
جیک بریگ مین کے مطابق پاکستان اورامریکا کے تعلقات دیرپا اسٹریٹجک اہمیت کےحامل ہیں اور وائٹ ہاؤس سمیت امریکی کانگریس بھی پاکستان کے سفارتی کردارکا عوامی سطح پر اعتراف کرچکی ہے۔
امریکی رکنِ کانگریس نے اپنے پیغام میں یہ بھی کہا کہ پاک امریکا اسٹریٹجک تعلقات کو مزید مضبوط بنانے کیلئے وہ جلد پاکستان کا دورہ کریں گے۔
تازہ ترین خبروں کے لیے پی این آئی کا فیس بک پیج فالو کریں
