راولپنڈی (پی این آئی) آل جموں وکشمیر مسلم کانفرنس کے قائد و سابق وزیراعظم سردار عتیق احمد خان نے کہا ہیکہ کشمیر جنوبی ایشیاء کا سب سے اہم مسئلہ ہے جسے حل کئے بغیر خطے اندر موجود مسائل حل نہیں ہو سکتے، اب وقت آگیا ہیکہ عالمی طاقتیں اس مسئلے کی سنگینی کا احساس کریں وہ گزشتہ روز کشمیر یونین
پارلیمنٹ کے ملاقات کے لئے آنے والے وفد سے بات چیت کررہے تھے وفد کی قیادت چیئرمین کشمیر یونین پارلمینٹ سردار وقاص خان نے کی، وفد میں سردار جواد خان، سردار عبدالباسط خان، سردار عقیل خان، سردار ندیم خان موجود تھے،اس موقع پر انھوں نے کہا کہ کشمیر کا مسئلہ حل ہوئے بغیر خطے میں ترقی، تجارت اور خوشحالی ناممکن ہے، انہوں نے کہا کہ آزاد کشمیر کے انتخابات میں مسلم کانفرنس اہم کردار ادا کرے گی، مسلم کانفرنس کی تنظیم نو ہورہی ہے اور جماعت سے الگ ہونے والے واپس اپنے گھر آرہے ہیں اس جماعت کو ختم کرنے والے خود ختم ہوکر بیرونی دنیا میں دربدر پھر رہے ہیں، مسلم کانفرنس ریاست کی اولین جماعت ہے اور یہ آج بھی اپنے نظریات پر کاربند ہوتے ہوئے آزاد کشمیر کے عوام کے مسائل کے حل اور تحریک آزادی کے لئے بھرپور کردار ادا کررہی ہے، کشمیریوں کے حقوق کا تحفظ ریاستی جماعت ہی کر سکتی ہے یہ بات آزاد کشمیر کے عوام سمجھے چکے ہیں۔اس موقع پر ضلع پلندری کے صدر سردار عابد رزاق، حلقہ بلوچ کے صدر رائے سردار عبدالراؤف، رائے عرفان ودیگر بھی موجود تھے۔۔۔۔۔ حساب برابر ہو گیا، یوسف رضا گیلانی کی شکست پر سینئر صحافی حامد میر بھی میدان میں آگئے، حیران کن بات کہہ دی اسلام آباد(پی این آئی ) حکومتی امیدوار صادق سنجرانی 48 ووٹ حاصل کر کے چئیرمین سینیٹ منتخب ہو
گئے ۔پریزائیڈنگ افسر کے مطابق 98 سینیٹرز نے حق رائے دہی کا استعمال کیا۔ پریزائیڈنگ افسرسید مظفر حسین شاہ نے چئیرمین سینیٹ کے نتائج کا اعلان کیا جس کے مطابق صادق سنجرانی 48 ووٹ حاصل کر کے چئیرمین سینیٹ منتخب ہوئے، یوسف رضا گیلانی نے 42 ووٹ حاصل کیے جب کہ یوسف رضا گیلانی کے8 ووٹ مسترد بھی ہوئے۔حکومتی سینیٹرز نے چئیرمین سینیٹ کا اعلان ہوتے ہی جشن منانا شروع کر دیا جب کہ اپوزیشن ارکان کی جانب سے نعرے بازی کی گئی۔صادق سنجرانی ایک بار پھر چئیرمین سینیٹ بننے میں کامیاب ہو گئے جب کہ اسی حوالے سے سینئر صحافی حامد میر کا کہنا ہے کہ حفیظ شیخ کے بھی سات ووٹ مسترد ہوئے تھے گیلانی کے بھی سات ووٹ مسترد ہو گئے،حساب برابر کر دیا گیا۔انہوں نے مزید کہا کہ سنجرانی کے 48 ووٹ نکلے اور گیلانی کے 42 ووٹ نکلے لیکن خفیہ کیمروں کی کہانی ابھی ختم نہیں ہوئی۔حامد میر نے مزید کہا کہ مانیں یا نہ مانیں پی ڈی ایم کے سات ووٹروں نے یوسف رضا گیلانی کے ساتھ دھوکہ کیا ۔۔واضح رہے کہ آج ،چیئرمین سینیٹ کے الیکشن کیلئے پریذائیڈنگ افسر مظفر حسین شاہ نے نو منتخب سینیٹرز سے حلف لیا ، جس کے بعد انہوں نے نئے سینیٹرز کو دستخط کے لیے بھی بلایا۔اس سے قبل چیئر مین اور ڈپٹی چیئر مین سینٹ کے انتخابات کیلئے بلائے گئے اجلاس کے دوران پولنگ بوتھ کے اندر خفیہ کیمروں
کی تنصیب کا انکشاف ہوا جس سے اپوزیشن نے خوب شور شرابا کیا ۔ے اپوزیشن رہنمائوں سینیٹر مصدق ملک اور سینیٹر مصطفی نواز کھوکھر نے کیمرے میڈیا کو دکھانے کے بعد نکال دیئے اور معاملے پر شدید احتجاج کرتے ہوئے مطالبہ کیا الیکشن کمیشن اور سپریم کورٹ نوٹس لے،یہ آرٹیکل 62 اور 63 کا کیس ہے جس کا ذمہ دار صادق اور امین نہیں رہا، پی ٹی آئی کو اپنے سینیٹرز پر اعتماد نہیں اس لیے کیمرے لگوائے جن کا رخ ووٹر کے چہرے اور بیلٹ پیپر کی طرف ہے۔
تازہ ترین خبروں کے لیے پی این آئی کا فیس بک پیج فالو کریں
