دبئی (پی این آئی)کورونا کی تشویشناک صورتحال، متحدہ عرب امارات نے بھارت پر فضائی پابندیوں میں توسیع کر دی، براستہ ہندوستان آنے والے مسافروں کو بھی ملک میں داخلے کی اجازت نہیں ہو گی۔ تفصیلات کے مطابق متحدہ عرب امارات نے بھار ت میں کورونا کی تباہ کُن صورتحال کو مدِنظر رکھتے ہوئے بھارت پر فضائی پابندیوں میں توسیع کر دی ہے۔بھارت پر 30 جون تک فضائی پابندی برقرار رہیں گی۔ علاوہ ازیں اب گزشتہ 14 دنوں میں ہندوستان کے راستے آنے والے مسافروں کو سفر کے لئے قبول نہیں کیا جائے گا۔اس حوالے سے اتوار کے روز جاری کیے گئے نوٹیفکیشن میں امارات ائیر لائن نے بتایا گیا ہے کہ بھارت سے متحدہ عرب امارات کیلئے فلائٹ آپریشن 30 جون تک معطل رہے گا۔ائیر لائن نے اپنے نوٹیفکیشن میں بتایا ہے کہ ’وہ تمام مسافر جو براستہ بھارت گزشتہ 14دنوں میں متحدہ عرب امارات آئیں گے اُنہیں ملک میں داخلے کی اجازت نہیں ہو گی۔بھار ت سے آنے والے وہ مسافر جو متحدہ عرب امارات کی شہریت رکھتے ہیں، گولڈن ویزہ ہولڈر افراد اور سفارتی وفود جو کورونا پروٹوکول پر عمل درآمد کریں گےاُن پر یہ فضائی پابندی عائد نہیں ہو گی۔ ایئرلائن نے مسافروں کو منسوخ شدہ بکنگ کے لئے دو انتخاب پیش کیے ہیں۔ مسافر اپنے ٹکٹوں کو آئندہ کی پرواز کے لیے رکھ سکتے ہیں۔ اس معاملے میں ، انہیں ایئر لائن کو کال کرنے کی ضرورت نہیں ہوگی ، بلکہ مطلوبہ معلومات کے لئے ایئر لائن کی ویب سائٹ دیکھنا ہو گی۔دوسرا آپشن یہ ہے کہ کسی متبادل تاریخ کے لئے پرواز کو دوبارہ بُک کرنا ہے ، جس کے لئے ایئر لائن نے سفارش کی ہے کہ متاثرہ مسافر اپنے اپنے ٹریول ایجنٹوں یا بکنگ آفس سے رابطہ کریں۔واضح رہے کہ پہلے 24 اپریل شام 11.59 بجے ہندوستان سے متحدہ عرب امارات کی پروازیں معطل کردی گئیں تھیں۔بھارت پر فضائی پابندی کو 4 مئی کے بعد متحدہ عرب امارات کی نیشنل ایمرجنسی کرائسز اینڈ ڈیزاسٹر منیجمنٹ اتھارٹی (این سی ای ایم اے) نے آگے بڑھایا۔ متحدہ عرب امارات کی حکومت کی جانب سے یہ اقدام بھار ت میں کورونا کی تیسری لہر کی وجہ سے اٹھایا گیا ۔متحدہ عرب امارات نے بھارت کو بڑا دھچکا دیدیا، ایسا فیصلہ کربھارتی اپنا سر پکڑ کر بیٹھ جائیں گے
