لاہور: وزیراعظم کے مشیر برائے سیاسی امور رانا ثنا اللہ نے کہا ہے کہ پی ٹی آئی کی قیادت سے بیک ڈور رابطے اب بھی ہیں، تاہم لانگ مارچ موخر کیے جانے تک پی ٹی آئی والوں سے مذاکرات نہیں ہوسکتے۔
ایک انٹرویو میں رانا ثنا اللہ نے کہا کہ لانگ مارچ سے متعلق صرف بیانات دیے جارہے ہیں، عملی طور پر مارچ نہیں ہوگا۔
انہوں نے کہا کہ سڑکیں کھلی ہوئی ہیں، کنٹینر سڑک کنارے پڑے ہیں، جنہیں حفاظتی اقدامات کے طور پر رکھا گیا ہے۔
رانا ثنا اللہ نے دوبارہ کہا کہ لانگ مارچ موخر کیے جانے تک پی ٹی آئی والوں سے مذاکرات نہیں ہوسکتے اور لانگ مارچ سے متعلق صرف بیانات دیے جارہے ہیں، عملی طور پر مارچ نہیں ہوگا۔
انہوں نے واضح کیا کہ یہ یاد رکھا جائے، کسی کو بھی اسلام آباد پر چڑھ دوڑنے کی اجازت نہیں دی جائے گی۔
