لاہور اور فیصل آباد میں مرغی کے گوشت کی قیمت میں کمی ہو گئی۔
لاہور میں برائلر مرغی کے گوشت کی قیمت میں 7 روپے فی کلو کمی ریکارڈ کی گئی ہے، جس کے بعد نئی قیمت 548 روپے فی کلو مقرر کر دی گئی ہے۔ گزشتہ روز برائلر گوشت کی فی کلو قیمت 555 روپے تھی۔
مارکیٹ ذرائع کے مطابق آج زندہ برائلر کی تھوک قیمت 364 روپے جبکہ پرچون میں 378 روپے فی کلو فروخت ہو رہی ہے۔دوسری جانب فارمی انڈوں کی قیمت میں استحکام دیکھا گیا ہے اور فی درجن انڈوں کی قیمت 246 روپے پر برقرار ہے۔
فیصل آباد میں بھی مرغی کا گوشت 11 روپے سستا ہو گیا ہے، شہر میں زندہ برائلر مرغی کا تھوک ریٹ 359 روپے فی کلو جبکہ پرچون ریٹ 373 روپے کلو مقرر کیا گیا ہے۔
فیصل آباد میں مرغی کا گوشت 540 روپے کلو میں فروخت ہو رہا ہے، انڈوں کی فی درجن قیمت 246 روپے ہے۔ گزشتہ روز فیصل آباد میں مرغی کا گوشت 551 روپے کلو تھا جبکہ زندہ مرغی کا پرچون ریٹ 380 روپے کلو تھا۔
ملک کے دیگر شہروں میں مرغی کے گوشت کی قیمتیں بھی ایک دوسرے سے مختلف ہیں، بعض شہروں میں منافع خور مقرر کردہ قیمتوں سے زائد نرخ وصول کر رہے ہیں۔
تازہ ترین خبروں کے لیے پی این آئی کا فیس بک پیج فالو کریں
