آئی سی سی مینز ٹی20 ورلڈ کپ 2026 کے سپر ایٹ مرحلے کے اختتام پر سیمی فائنل لائن اپ مکمل ہوگئی ہے۔ سیمی فائنلز میں نیوزی لینڈ کرکٹ ٹیم، جنوبی افریقا کرکٹ ٹیم، بھارت کرکٹ ٹیم اور انگلینڈ کرکٹ ٹیم نے جگہ بنا لی ہے۔
گزشتہ روز ناک آؤٹ مرحلے کے میچ میں بھارت نے ویسٹ انڈیز کرکٹ ٹیم کو شکست دے کر سیمی فائنل تک رسائی حاصل کی۔ بھارت کی کامیابی میں سنجو سیمسن کی ناقابل شکست 97 رنز کی اننگز نمایاں رہی۔ دفاعی چیمپئن بھارت ٹائٹل کا دفاع کرتے ہوئے تیسری بار ٹی20 ورلڈ کپ جیتنے کی کوشش کرے گا۔
سیمی فائنل کا پہلا مقابلہ 4 مارچ کو شام 6:30 بجے ایڈن گارڈنز اسٹیڈیم، کولکتہ میں نیوزی لینڈ اور جنوبی افریقا کے درمیان ہوگا۔ دوسرا سیمی فائنل 5 مارچ کو اسی وقت وانکھیڈے اسٹیڈیم، ممبئی میں بھارت اور انگلینڈ کے درمیان کھیلا جائے گا۔
نیوزی لینڈ نے گروپ مرحلے میں افغانستان، یو اے ای اور کینیڈا کو شکست دی جبکہ جنوبی افریقا نے گروپ اور سپر ایٹ دونوں مراحل میں شاندار کارکردگی دکھائی۔ بھارت نے امریکا، پاکستان اور نیدرلینڈز کو گروپ مرحلے میں ہرایا جبکہ انگلینڈ نے سپر ایٹ مرحلے میں پاکستان، سری لنکا اور نیوزی لینڈ کو شکست دے کر سیمی فائنل تک رسائی حاصل کی۔
تازہ ترین خبروں کے لیے پی این آئی کا فیس بک پیج فالو کریں
