کولکتہ (پیا ین آئی) قومی ٹیم کے فاسٹ باولر حارث رئوف نے ورلڈ کپ کی 48 سالہ تاریخ کا بدترین ریکارڈ اپنے نام کرلیا۔
حارث رئوف نے ورلڈ کپ 2023ء میں 9 میچز میں 533 رنز دیکر 33.31 کی اوسط سے 16 وکٹیں حاصل کیں جو ایک ورلڈ کپ ایڈیشن میں کسی بھی بائولر کی جانب سے دیئے جانے والے سب سے زیادہ رنز ہیں ۔ اس سے قبل یہ ریکارڈ انگلینڈ کے عادل رشید کے پاس تھا جنہوں نے ورلڈ کپ 2019ء میں 526 رنز دیئے تھے ۔سری لنکا کے دلشان مادھوشنکا اسی ورلڈ کپ میں 525 رنز دیکر تیسرے، آسٹریلیا کے مچل سٹارک ورلڈ کپ 2019ء میں 502 رنز کھا کر چوتھے، بنگلہ دیش کے مستفیض الرحمان ورلڈ کپ 2019ء میں 484 رنز دیکر 5ویں جب کہ پاکستان کے شاہین آفریدی ورلڈ کپ 2023ء میں 481 رنز کھا کر چھٹے نمبر پر موجود ہیں ۔یاد رہے کہ ورلڈکپ کے 44ویں میچ میں انگلینڈ نے پاکستان کو جیت کے لیے 338 رنز کا ہدف دیا ہے۔کولکتہ کے ایڈن گارڈنز میں کھیلے جارہے میچ میں انگلینڈ کے اوپنرز نے ٹیم کو 82 رنز کا جارحانہ آغاز فراہم کیا، تاہم ڈیوڈ ملان 31 اور جونی بیرسٹو 59 رنز بناکر آؤٹ ہوئے، تیسری وکٹ کی شراکت میں بین سٹوکس اور جو روٹ نے 132 رنز کی پارٹنرشپ قائم کی۔
بین اسٹوکس نے 11 چوکوں اور 2 چھکوں کی مدد سے 84 رنز جبکہ مڈل آرڈر بیٹر جو روٹ 60 رنز کی اننگز کھیل کر آؤٹ ہوئے۔ہیری بروک نے 30 اور جوز بٹلر نے27 رن بنائے، معین علی 8 رن بناسکے۔ پاکستان کی جانب سے حارث رؤف نے3، محمد وسیم نے3، شاہین آفریدی نے 2 اور افتخار احمد نے ایک وکٹ حاصل کی۔ انگلش ٹیم نے مقررہ 50 اوور میں 9 وکٹوں کے نقصان پر 337 رن بنائے۔ قبل ازیں انگلینڈ کے کپتان جوز بٹلر نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ لیگ کے آخری میچ میں کامیابی سمیٹ کر ٹورنامنٹ کا اختتام جیت کے ساتھ کرنا چاہتے ہیں اس موقع پر قومی ٹیم کے کپتان بابراعظم نے کہا کہ ٹاس جیت کر پہلے بیٹنگ کرتے تاکہ نیٹ ریٹ بہتر کرکے تاریخ رقم کرسکیں لیکن کوشش کریں گے میچ میں کامیابی سمیٹیں۔بابراعظم نے کہا کہ ٹیم میں ایک تبدیلی کی گئی ہے کہ حسن علی کی جگہ شاداب خان کو پلئینگ الیون کا حصہ بنایا گیا ہے۔ پاکستان کا اسکواڈ کپتان بابراعظم، عبداللہ شفیق، فخر زمان، محمد رضوان، سعود شکیل، افتخار احمد، شاداب خان، آغا سلمان، شاہین شاہ آفریدی، محمد وسیم جونئیر، حارث رؤف پر مشتمل ہے جب کہ انگلینڈ کے سکواڈ میں کپتان جوز بٹلر، جونی بیرسٹو، ڈیوڈ ملان، جو روٹ، بین اسٹوکس، مارک ووڈ، ڈیوڈ ولی، لیام لیونگسٹن، معین علی، کرس ووکس اور عادل رشید شامل ہیں۔
تازہ ترین خبروں کے لیے پی این آئی کا فیس بک پیج فالو کریں
