بنگلورو (پی این آئی) آئی سی سی ورلڈ کپ 2023 میں پاکستان اور نیوزی لینڈ کے درمیان 4 نومبر کو صبح 10 بجے ایم چناسوامی اسٹیڈیم میں شیڈول مقابلہ بارش کی وجہ سے خطرے میں ہے۔
موسم کی پیشن گوئی بنگلورو میں ہفتہ کی دوپہر کے دوران بارش کے 70 سے 80 فیصد امکان کی نشاندہی کرتی ہے جو ممکنہ طور پر کھیل کے نتائج کو متاثر کر سکتی ہے۔پاکستان کے لیے اس ہفتے نیوزی لینڈ کے خلاف کافی مارجن سے فتح حاصل کرنا ضروری ہے۔ 84 رنز سے جیتنے سے پاکستان ٹورنامنٹ کی سٹینڈنگ میں نیوزی لینڈ سے آگے ہو جائے گا جبکہ ہدف کا تعاقب 35 اوورز میں کرنا بھی انہیں فائدہ دے سکتا ہے۔ خراب موسم کی وجہ سے میچ نہ ہونے کی صورت میں دونوں ٹیموں کو ایک ایک پوائنٹ دیا جائے گا۔ تاہم یہ بات قابل غور ہے کہ واش آؤٹ کا نیٹ رن ریٹ کے حساب کتاب پر کوئی اثر نہیں پڑے گا۔دریں اثناء جنوبی افریقہ نے 32 ویں میچ میں نیوزی لینڈ کو 190 رنز سے شکست دی جس نے پاکستان کے امکانات کو معمولی مدد فراہم کی ہے کیونکہ بابر اعظم اور کو ورلڈ کپ کے سیمی فائنل میں پہنچنے کا راستہ درمیان میں بہت سی رکاوٹوں کے ساتھ مشکل ہے۔
پاکستان کے لیے اپنے بقیہ میچ جیتنا ضروری ہے، ایک مثالی منظر نامے میں گرین شرٹس کو اگلے میچ میں نیوزی لینڈ کو ہرانا چاہیے اور امید ہے کہ بلیک کیپس سری لنکا سے ہار جائیں گی۔اگر بلیک کیپس اپنے میچ ہار جاتی ہیں تو وہ آٹھ پوائنٹس کے ساتھ گروپ مرحلے کا اختتام کریں گے اور پاکستان اپنے اگلے دو حریفوں کو شکست دینے پر 10 پوائنٹس کے ساتھ ناک آؤٹ مرحلے کے لیے کوالیفائی کر سکتا ہے۔ پاکستان اس وقت چھ پوائنٹس کے ساتھ پانچویں نمبر پر ہے جبکہ نیوزی لینڈ آٹھ پوائنٹس کے ساتھ چوتھے نمبر پر ہے۔
تازہ ترین خبروں کے لیے پی این آئی کا فیس بک پیج فالو کریں
