لاہور ( آئی این پی) ویسٹ انڈیز ویمن اے ٹیم نے پاکستان ویمن اے کے خلاف تین میچوں پر مشتمل ون ڈے سیریز دو، ایک سے اپنے نام کر لی۔لاہور قذافی سٹیڈیم میں کھیلے گئے ون ڈے سیریز کے تیسرے اور آخری میچ میں پاکستان اے نے پہلے بیٹنگ کرتے ہوئے 44.4اوورز میں 162رنز بنائے تھے جبکہ ویسٹ انڈیز اے نے 44.5اوورز میں سات وکٹوں کے نقصان پر مطلوبہ ہدف مکمل کر لیا۔
فاتح ٹیم کی جانب سے جنابا جوزف نے ناقابل شکست 51رنز کی اننگ کھیلی جبکہ پاکستان کی جانب سے رامین شمیم نے تین وکٹیں حاصل کیں۔اس سے قبل پاکستانی اننگ میں سدرا نواز نے 27، شوال ذوالفقار نے 22اور انوشا ناصر نے 23رنز بنائے تھے جبکہ مہمان ٹیم کی جانب سے جہازارا کلاکسٹن نے چار کھلاڑیوں کو آئوٹ کیا تھا۔۔۔
تازہ ترین خبروں کے لیے پی این آئی کا فیس بک پیج فالو کریں
