لاہور(پی این آئی)سابق فاسٹ باؤلر دوران انٹرویو آبدیدہ ہوگئے ۔۔۔سابق پاکستانی کرکٹر عمر گل کرکٹ سے اپنی ریٹائرمنٹ کی وجہ بتاتے ہوئے آبدیدہ ہوگئے۔سابق فاسٹ باؤلر عمر گل نے ایک انٹرویو کے دوران اپنے ایک قریبی دوست کی وفات کا ذکر کیا، اس دوران ان کی آنکھوں سے آنسو بھی چھلک پڑے۔انہوں نے بتایا کہ میرا ایک کلیم نام کا دوست تھا، یہ دوستی 2004 میں شروع ہوئی، وہ میرا ایسا دوست تھا کہ جب میں اس کو دیکھتا تھا تو وہ سمجھ جاتا تھا میرے دل میں کیا ہے۔
عمر گل نے کہا کہ کورونا کے پہلے سال میں عید سے دو دن پہلے ایک ٹریفک حادثے میں اس کی ڈیتھ (موت) ہوگئی، میں کراچی صرف اس کیلئے آتا تھا، وہ کراچی میں نہیں تھا تو میں نے فیصلہ کیا ریٹائرمنٹ لے لوں، میں نےآج تک یہ وجہ اپنی اہلیہ کو بھی نہیں بتائی۔ان کا مزید کہنا تھا کہ میں آج بھی اپنے دوست کو بہت یاد کرتا ہوں، مجھے آپریشن کیلئے کراچی آئے ہوئے ایک ماہ ہوگیا ہے، اس دوران میں نے کسی دوست سے باہر چلنے کا نہیں کہا، میرا اب کراچی آنے کو دل نہیں کرتا کیونکہ یہاں میری بہت سی یادیں ہیں، اس حادثے کے بعد میری زندگی تبدیل ہوگئی تھی، سب کچھ میرے دل سے اتر گیا ہے۔۔۔۔
