ویب ڈیسک (پی این آئی) مصر میں وزارت اعلیٰ تعلیم اور سائنسی تحقیق سے وابستہ نیشنل ریسرچ انسٹی ٹیوٹ آف فلکیات اینڈ جیو فزکس نے سنہ 1446 ہجری کے لیے شوال کا چاند نظر آنے کی متوقع تفصیلات اور سال 2025ء کے لیے عید الفطر کی پیش گوئی کی ہے۔
اس پیش گوئی کے مطابق مصر اور کئی دوسرے عرب اور مسلمان ممالک میں عیدالفطر کی متوقع تاریخ بتائی گئی ہے۔انسٹی ٹیوٹ نے مصر اور 30 سے زائد عرب، اسلامی اور دیگر ممالک میں شوال کا چاند نظر آنے کا دورانیہ بھی ظاہر کیا۔
ہلال عید کا دورانیہ
انسٹی ٹیوٹ نے اتوار کی شام ایک بیان میں کہا کہ شوال کا چاند 29 رمضان 1446 ھ بہ روز ہفتہ مقامی وقت کے مطابق دوپہر 1 بجے کے بعد پیدا ہو گا۔ اسی روز 29 مارچ 2025ء کو ” چاند دیکھا جا سکتا ہے چاند قاہرہ میں سورج غروب ہونے کے 7 منٹ بعد آسمان پر رہے گا جب کہ مصر کی بقیہ گورنریوں میں، نیا ہلال آسمان پر 9 سے 12 منٹ کے درمیان رہے گا۔انسٹی ٹیوٹ نے تصدیق کی کہ عرب اور اسلامی دارالحکومتوں اور شہروں کے لیے اس دن غروب آفتاب کے بعد نیا چاند 3 منٹ سے 19 منٹ کے درمیان رہے گا۔ واضح رہے کہ اس دن کالامازو، انڈونیشیا میں نیا چاند غروب ہونے سے 5 منٹ پہلے اور جکارتہ میں 7 منٹ تک رہے گا۔
کن شہروں میں انتیس رمضان کو چاند نظرآنے کا امکان ہے؟
انسٹی ٹیوٹ نے مصری شہروں کے نام شائع کیے جہاں متوقع طور پر ہلال اور چاند کے مراحل نظر آئیں گے۔ ان میں قاہرہ، حلائب، اسکندریہ، سوہاج اور عرب جمہوریہ مصر کے باقی گورنریاں شامل ہیں۔
انہوں نے ان عرب اور غیر عرب دارالحکومتوں کے نام بھی بتائے ہیں جہاں شوال کا چاند 29 مارچ کو دیکھا جا سکتا ہے۔ ان میں نواکشوط، مراکش، فیز، لاگوس، الجزائر، تیونس، طرابلس، لیبیا، خرطوم، موغادیشو، انقرہ، عمان، دمشق، جازان، مدینہ منورہ، مکہ مکرمہ، بیت المقدس، مناما، تہران، دوحہ، ابوظبی، دبئی، مسقط، کراچی، کوالالمپور، جکارتہ، کیپ ٹاؤن، برازیلیا، لیما، واشنگٹن، اوٹاوا، لندن، اور ماسکو شامل ہیں۔انہوں نے واضح کیا کہ فلکیاتی اعتبار سے شوال 1446 کا پہلا دن 30 مارچ 2025 بروز اتوار ہے جو کہ عید الفطر کا پہلا دن ہے۔
تازہ ترین خبروں کے لیے پی این آئی کا فیس بک پیج فالو کریں
