پشاور (پی این آئی) مون سون بارشوں نے خیبرپختونخوا کے ضلع خیبر اور ملحقہ علاقوں میں تباہی مچا دی ہے، سڑکیں تالاب کا منظر پیش کرنے لگی ہیں، سیلابی ریلے میں بہنے والے دو افراد کی لاشیں نکال لی گئی ہیں۔۔۔۔ میڈیا رپورٹس کے مطابق بارشوں کے بعد نالوں میں شدید طغیانی ہے، جبکہ تیز ہوا کے باعث درخت اور بجلی کے کھمبے گر گئے جس سے بجلی کی سپلائی معطل ہو گئی ہے۔۔۔۔
بتایا گیا ہے کہ پشاور میں بھی موسلادھار بارش سے نشیبی علاقے زیرِ آب آ گئے ہیں، شہری اپنی مدد آپ کے تحت گھروں میں داخل ہونے والا پانی نکالنے پر مجبور ہیں۔۔۔۔بتایا گیا ہے کہ راولپنڈی میں موسلادھار بارش کے بعد رین ایمرجنسی نافذ کردی گئی ہے۔۔۔۔
تازہ ترین خبروں کے لیے پی این آئی کا فیس بک پیج فالو کریں
