لیڈی ڈاکٹروں کو شاباش دینے افغان طالبان کمانڈر ہسپتال جا پہنچے

کابل (پی این آئی) ہسپتال میں کام کرنے والی خواتین اور لیڈی ڈاکٹروں کو شاباش دینے اور حوصلہ افزائی کرنے طالبان کمانڈر ہسپتال جا پہنچے۔ اافغان طالبان کمانڈر عبدالحمید حماسی نے کابل اسپتال کا دورہ کیا اور ہسپتالوں میں ڈاکٹرز سے کام جاری رکھنے کی درخواست کی۔طالبان کمانڈر عبدالحمید حماسی نے کہا ہے کہ خواتین ڈاکٹرز بلاخوف اپنی ڈیوٹی نبھائیں، موجودہ نظام سے قبل اکثر خواتین ڈاکٹرز خوف زدہ تھیں۔طالبان کمانڈر نے کہا کہ اب انہیں بالکل نہیں ڈرنا چاہیے، افغانستان کی خواتین ڈاکٹر ہماری مائیں بہنیں ہیں۔۔۔۔۔

حماس نے طالبان کو مبارکباد پیش کر دی،ایرانی صدر نے بھی اشارہ دے دیا

تہران (پی این آئی) نئے ایرانی صدر نے جہاں ایک طرف افغان طالبان کے لیے نرم گوشے کا اظہار کیا ہے وہاں فلسطین کی آزادی کے لیے لڑنے والی تنظیم حماس نے تو طالبان کو کھلے لفظوں میں مبارک باد پیش کر دی ہے۔ ایران کے نو منتخب صدر ابراہیم رئیسی کا کہنا ہے کہ افغانستان میں امریکا کی شکست سے امن آسکتا ہے۔ ابراہیم رئیسی نے کہا کہ افغانستان سے امریکی انخلا اور شکست سے ملک میں پائیدار امن کا موقع پیدا ہوا ہے۔ ان کا کہنا تھا کہ افغانستان میں استحکام قائم کرنے کے لیے ایران کوشش کرے گا۔ دوسری جانب فلسطینی مزاحمتی تنظیم حماس نے طالبان قیادت کو مبارک باد دی ہے۔