یونائیٹڈ اور سلطانز کے درمیان میچ تاخیر کا شکار

پاکستان سپر لیگ(پی ایس ایل) میں آج اسلام آباد یونائیٹڈ اور ملتان سلطانز کی ٹیمیں مدمقابل ہوں گی اور گیلی آؤٹ فیلڈ کے سبب میچ کا ٹاس تاخیر کا شکار ہے۔پاکستان سپر لیگ کے پانچویں ایڈیشن میں آج پوائنٹس ٹیبل پر پہلے نمبر پر موجود ملتان سلطانز کی ٹیم کا مقابلہ اسلام آباد یونائیٹڈ سے شیڈول ہے۔راولپنڈی میں بارش کی

وجہ سے میدان اور آؤٹ فیلڈ گیلی ہونے کے سبب ٹاس تاخیر کا شکار ہے اور امپائر 3بجے میدان کا معائنہ کریں گے جس کے بعد میچ شروع کرنے یا نہ کرنے کے حوالے سے فیصلہ کیا جائے گا۔دونوں ٹیموں کے درمیان رواں سال اس سے قبل کھیلے گئے میچ میں اسلام آباد یونائیٹڈ نے سلطانز کو باآسانی 8وکٹوں سے شکست دی تھی۔پوائنٹس ٹیبل پر ملتان سلطانز کی ٹیم 6میچوں میں 4 فتوحات کی بدولت 9پوائنٹس کے ساتھ سرفہرست ہے جبکہ اسلام آباد یونائیٹڈ نے 8 میں سے 3میچ جیتے ہیں۔اگر اسلام آباد یونائیٹڈ کو آج کے میچ میں شکست کا منہ دیکھنا پڑتا ہے تو ان کی پلے آف تک رسائی کے امکانات کو بڑا دھچکا لگ سکتا ہے۔یاد رہے کہ گزشتہ روز پشاور زلمی کے خلاف میچ میں بارش کے سبب اسلام آباد یونائیٹڈ کی ٹیم ڈک ورتھ لوئس قانون کے تحت 7رنز سے شکست ہوئی۔آج دن کے دوسرے میچ میں لاہور کے قذافی اسٹیڈیم میں میزبان لاہور قلندرز کا مقابلہ کراچی کنگز سے ہو گا۔

پاکستان نیوز انٹرنیشنل (پی این آئی) قابل اعتبار خبروں کا بین الاقوامی ادارہ ہے جو 23 مارچ 2018 کو برطانیہ کے دارالحکومت لندن میں قائم کیا گیا، تھوڑے عرصے میں پی این آئی نے دنیا بھر میں اردو پڑہنے، لکھنے اور بولنے والے قارئین میں اپنی جگہ بنا لی، پی این آئی کا انتظام اردو صحافت کے سینئر صحافیوں کے ہاتھ میں ہے، ان کے ساتھ ایک پروفیشنل اور محنتی ٹیم ہے جو 24 گھنٹے آپ کو باخبر رکھنے کے لیے متحرک رہتی ہے، پی این آئی کا موٹو درست اور بروقت اور جامع خبر ہے، پی این آئی کے قارئین کے لیے خبریں، تصاویر اور ویڈیوز انتہائی احتیاط کے ساتھ منتخب کی جاتی ہیں، خبروں کے متن میں ایسے الفاظ کے استعمال سے اجتناب برتا جاتا ہے جو نا مناسب ہوں اور جو آپ کی طبیعت پر گراں گذریں، پی این آئی کا مقصد آپ تک ہر واقعہ کی خبر پہنچانا، اس کے پیش منظر اور پس منظر سے بر وقت آگاہ کرنا اور پھر اس کے فالو اپ پر نظر رکھنا ہے تا کہ آپ کو حالات حاضرہ سے صرف آگاہی نہیں بلکہ مکمل آگاہی حاصل ہو، آپ بھی پی این آئی کا دست و بازو بنیں، اس کا پیج لائیک کریں، اس کی خبریں، تصویریں اپنے دوستوں اور رابطہ کاروں میں شیئر کریں، اللہ آپ کا حامی و ناصر ہو، ایڈیٹر