لندن(پی این آئی)جمائمہ گولڈ اسمتھ کس کی حمایت میں سامنے آگئیں؟پاکستان تحریک انصاف ( پی ٹی آئی) کے بانی عمران خان کی سابقہ اہلیہ جمائمہ گولڈ اسمتھ شاہی خاندان کی حمایت میں سامنے آگئیں۔سوشل میڈیا پر گردشی قیاس آرائیوں پر خدشہ ظاہرکرتے ہوئے کہا کہ لوگ بھول گئے ہیں کہ شاہی خاندان کے افراد حقیقی ہیں۔سماجی رابطے کی ویب سائٹ ایکس پر پیغام جاری کرتے ہوئے فلم ساز جمائمہ گولڈ اسمتھ نے شہزادہ کیٹ مڈلٹن اور شہزادہ ولیم کی نجی زندگی سے متعلق سوشل میڈیا پر گردشی لطیفوں اور میمز پر برہمی کا اظہار کیا ہے۔
I fear that all the Kate and William “jokes” on social media and especially the Stephen Colbert material are going to seem cruel & regrettable with hindsight. It’s too easy to forget especially on Twitter that these are real people.
— Jemima Goldsmith (@Jemima_Khan) March 16, 2024
انہوں نے اسٹیفن کولبرٹ کے اس پروگرام کا بھی حوالہ دیا جس میں امریکی کامیڈین اور مصنف نے کہا تھا کہ انہیں ڈر ہے کہ جلد ہی شاہی خاندان سے متعلق کوئی پریشان کُن خبر ملے گی۔تاہم اب ان گردشی خبروں پر ردعمل ظاہر کرتے ہوئے جمائمہ گولڈ اسمتھ نے اپنی ایکس پوسٹ میں لکھا کہ مجھے خدشہ ہے کہ سوشل میڈیا پر کیٹ اور ولیم کے متعلق تمام لطائف، خاص طور سے اسٹیفن کولبرٹ کی پوسٹس ظالمانہ اور پچھتاوے کے ساتھ افسوسناک معلوم صورت اختیار کرنے والی ہیں۔انہوں نے سوشل میڈیا صارفین کو نشانہ بناتے ہوئے مزید لکھا کہ ’خاص طور پر ٹویٹر صارفین کے لیے یہ بھولنا بہت آسان ہے کہ یہ (شاہی خاندان کے افراد) حقیقی لوگ ہیں‘۔خیال رہے کہ امریکی کامیڈین اور مصنف اسٹیفن کولبرٹ کے مذکورہ پروگرام کے بعد سوشل میڈیا پر کیٹ پائریسی (شہزادہ کیٹ مڈلٹن سے جڑی سازیشیں) سے متعلق میمز، لطیفوں اور مختلف قیاس آرائیوں کا سیلاب امڈ آیا ہے۔اسٹیفن کولبرٹ کے اس پروگرام کے بعد ماہرین نے شہزادی کیٹ مڈلٹن کی عوامی منظر سے غیر حاضری کی وجہ شہزادہ ولیم اور سابقہ ماڈل روز ہینبری کے عشق معشوقے کو ٹھہرایا تھا۔۔۔۔
