لاہور (پی این آئی ) پاکستان کرکٹ بورڈ (پی سی بی) کے چیئرمین رمیز راجہ کی پاکستان، بھارت، آسٹریلیا اور انگلینڈ پر مشتمل چار ملکی ٹی ٹونٹی سیریز کی تجویز کو انٹرنیشنل کرکٹ کونسل (آئی سی سی) نے 10 اپریل کو ہونے والے اجلاس میں متفقہ طور پر مسترد کر دیا تھا کیونکہ آئی سی سی ایونٹس کی مقبولیت میں کمی نہیں کرنا چاہتے۔
ذرائع کے مطابق اس تجویز کو آئی سی سی بورڈ کے اراکین بشمول بی سی سی آئی (بھارتی کرکٹ بورڈ) نے متفقہ طور پر مسترد کر دیا تھا، کیونکہ بھارتی بورڈ کی طرف سے واضح تھا کہ وہ اپنے مصروف بین الاقوامی شیڈول کی وجہ سے 4 ملکی ٹورنامنٹ میں نہیں کھیلے گا۔ واضح رہے کہ رمیز راجہ اس تجویز کے بارے میں بہت آواز اٹھا رہے تھے کیونکہ اس سے بہت زیادہ آمدنی ہوتی، اور سب سے بڑھ کر یہ کہ یہ شائقین کو روایتی حریف بھارت اور پاکستان کو ایک دوسرے کے خلاف کھیلتے ہوئے دیکھنے کا موقع فراہم کر سکتا تھا۔دریں اثناء آئی سی سی نے گریگ بارکلی کو آئی سی سی کے چیئرمین کے طور پر اپنی دو سالہ مدت مکمل کرنے کے لیے بھی راضی کیا جب تک کہ اگلے چیئرمین کی نامزدگی کا عمل نومبر میں شروع نہ ہو۔
