اسلام آباد (پی این آئی ) اقتصادی رابطہ کمیٹی (ای سی سی ) نے پاکستا ن انٹرنیشنل ایئرلائن(پی آئی اے ) کو عالمی وبا کورونا وائر س کی تیسری لہر سے نمٹنے کے لئے کیش سپورٹ دینے کا فیصلہ کرلیا۔
وزیر خزانہ شوکت ترین کی زیر صدارت ای سی سی کا اجلاس ہوا جس میں پاک ایران سرحد پر باڑ لگانے کیلئے اضافی فنڈز کی منظوری دی گئی جبکہ سپیشل سیکیورٹی ڈویڑن کیلئے تکنیکی سپلیمنٹری گرانٹ کی سمری بھی منظور کر لی گئی ہے۔اجلاس میں ای سی سی نے ایراءکے لئے 50 کروڑ روپے کی تکنیکی سپلیمنٹری گرانٹ کی منظوربھی کی ہے جبکہ آزاد کشمیر کو سال 2021-22 کے دوران گندم کی فراہمی کی بھی منظوری دے دی ہے۔
