اسلام آباد (این این آئی)وفاقی وزیر تعلیم شفقت محمود نے دعویٰ کیا ہے کہ اپوزیشن کی جماعت مسلم لیگ (ن) سے تعلق رکھنے والا ایک سینیٹر کھلم کھلا حکومتی امیدوار صادق سنجرانی کو ووٹ دینے کا کہہ رہا ہے۔ ایک انٹرویومیں شفقت محمود نے کہا کہ صادق سنجرانی کامیاب سینیٹ چیئرمین ہیں، انھوں نے مراسم بنائے
ہیں، مولانا فضل الرحمان سینیٹ کے ممبر ہوتے تو ان سے بھی ووٹ مانگتے۔انہوں نے کہا کہ صادق سنجرانی نمبرپورے کریں گے۔وفاقی وزیر نے دعویٰ کیا کہ مسلم لیگ ن کا ایک سینیٹرکھلم کھلاسنجرانی کو ووٹ دینے کاکہہ رہا ہے جبکہ ہوسکتا ہے کہ جماعت اسلامی کاسینیٹر بھی ووٹ سنجرانی کو دے۔ویڈیو اسکینڈل پر ان کا کہنا تھاکہ ہمارے ارکان کہتے ہیں کہ علی حیدرگیلانی نے انہیں آفرکی تھی، پیسے چلنے کی باتیں ہورہی تھیں تو ہماریارکان نے ثبوت کے طور پر علی حیدرگیلانی کی ویڈیو بنائی۔۔۔۔ 2018 الیکشن ویڈیو اسکینڈل، ن لیگ نے تحقیقات کیلئے دائر درخواست کیوں واپس لے لی؟ اسلام آباد(آئی این پی )پاکستان مسلم لیگ ن نے 2018ویڈیو سکینڈل کی تحقیقات کیلئے دائر درخواست واپس لے لی ہے،الیکشن کمیشن میں سینیٹ انتخابات 2018کے ویڈیو سکینڈل کی درخواست پر سماعت ہوئی، درخواست میں عمران خان، پرویز خٹک اور متعلقہ اراکین اسمبلی کو فریق بنایا تھا۔الیکشن کمیشن کے ممبر پنجاب الطاف قریشی نے استفسار کیا کہ آپ کے پاس ہارس ٹریڈنگ کے کیا شواہد ہیں؟ عمران خان اور اسد قیصر کا کیا ویڈیو سے کیا تعلق ہے؟وکیل ن لیگ جہانگیر جدون نے کہا کہ سپیکر ہائوس میں رقم کا لین دین ہوا۔ممبر پنجاب الطاف قریشی نے استفسار کیا کہ جس ایم پی اے پر الزام لگا رہے ہیں انکا بیان کہاں ہے؟ جن لوگوں میں رقم کا لین دین ہوا انہیں فریق ہی نہیں
بنایا گیا،ان کا کہنا تھا کہ ایسے تو نہیں ہوتا کہ کوئی بھی ویڈیو آئے اور ہم حکم جاری کر دیں۔ وکیل ن لیگ نے کہا عمران خان کو نوٹس کریں وہ بتائیں کہ انہوں نے کیا کارروائی کی۔الطاف قریشی کا کہنا تھا کہ صرف میڈیا بیان بازی پر کسی کو نااہل نہیں کر سکتے۔ پہلے اپنی درخواست کو ٹھیک کریں۔ آپ ویڈیو میں موجود افراد کو نہیں پہچانتے تو ہم کیسے جان سکتے؟وکیل ن لیگ نے کہا وزیراعظم کہتے ہیں ایجنسیوں سے الیکشن کمیشن پوچھے۔ممبر الیکشن کمیشن نے کہا کہ وزیراعظم کسی کا نام بھیجیں یا خود تحقیقات کرائیں۔ میڈیا بیانات پر نااہلی ہونے لگی تو کورم بھی پورا نہیں ہوگا۔انہوں نے جہانگیر جدون کو ہدایت کی کہ بہتر ہوگا یہ درخواست واپس لیکر نئی پٹیشن دائر کریں۔ سلم لیگ ن نے 2018 ویڈیو سکینڈل کی تحقیقات کیلئے دائر درخواست واپس لے لی۔۔۔۔
