اقوام متحدہ کی جنرل اسمبلی نے حق خودارادیت سے متعلق پاکستان کی پیش کردہ قرارداد اتفاق رائے سے منظور کر لی ہے۔ اس قرارداد میں زور دیا گیا ہے کہ غیر ملکی قبضے میں رہنے والی اقوام کو حق خودارادیت دیے بغیر پائیدار امن ممکن نہیں۔
پاکستان کے نائب مستقل مندوب عثمان جدون نے اپنے خطاب میں کہا کہ اقوام متحدہ کی قراردادوں میں مقبوضہ کشمیر کے عوام کے حق خودارادیت کو تسلیم کیا گیا ہے۔ انہوں نے کہا کہ کشمیر تنازعے کا منصفانہ حل جنوبی ایشیا میں پائیدار امن کے لیے مرکزی حیثیت رکھتا ہے۔
قرارداد میں فلسطینی عوام کے حق خودارادیت کی مسلسل نفی کو مشرق وسطیٰ میں امن کے حصول کی راہ میں بڑی رکاوٹ قرار دیا گیا ہے۔ پاکستان نے اپنے موقف میں واضح کیا کہ حق خودارادیت ایک ناقابل تنسیخ اور عالمگیر حق ہے۔
تازہ ترین خبروں کے لیے پی این آئی کا فیس بک پیج فالو کریں
