انٹرنیشنل کرکٹ کونسل (آئی سی سی) نے پاکستانی آل راؤنڈر خوشدل شاہ پر ضابطہ اخلاق کی خلاف ورزی کرنے پر جرمانہ عائد کردیا گیا۔نیوزی لینڈ کےخلاف پہلے ٹی 20 میچ میں آئی سی سی کوڈ آف کنڈکٹ کی خلاف ورزی پر قومی کرکٹر خوشدل شاہ پر میچ فیس کا 50 فیصد جرمانہ عائد کردیا گیا۔
نیوزی لینڈ کے خلاف پہلے ٹی ٹونٹی میچ خوشدل شاہ نے کیویز زیکرے فولکس سے فزیکل کنٹیکٹ کیا جو کے آئی سی سی لیول 2 کوڈ آف کنڈکٹ کی خلاف ورزی کے زمرے میں آتا ہے لہذا آئی سی سی نے خوشدل شاہ کی غلطی کے تسلیم کرنے میچ فیس کا پچاس فیصد جرمانہ عائد کیا اور 3 ڈی میرٹ پوائنٹس بھی کاٹ لیے۔
آئی سی سی کے قوانین کے تحت اگر کوئی کھلاڑی 24 ماہ کے اندر 4 یا اس سے زائد ڈی میرٹ پوائنٹس حاصل کر لیتا ہے تو اسے معطلی کا سامنا کرنا پڑ سکتا ہے تاہم خوشدل شاہ نےاپنی غلطی تسلیم کرلی ہے۔
نیوزی لینڈ نے پاکستان کو پہلے ٹی 20 میچ میں 9 وکٹوں سے شکست دے کر پانچ میچوں کی سیریز میں 1-0 کی برتری حاصل کرلی۔نیوزی لینڈ کے کپتان نے ٹاس جیت کر پاکستان کو پہلے بیٹنگ کی دعوت دی لیکن پاکستان کی ٹیم نیوزی لینڈ کےخلاف پہلے بیٹنگ کرتے ہوئے 91 رنز بنا کر آل آؤٹ ہوگئینیوزی لینڈ نے پاکستان کی جانب سے دیا گیا 92 رنز کا ہدف باآسانی ایک وکٹ کے نقصان پر 10.1 اوور میں پورا کر لیا۔
تازہ ترین خبروں کے لیے پی این آئی کا فیس بک پیج فالو کریں
