پاکستان سپورٹس بورڈ (پی ایس بی) نے ڈوپ ٹیسٹ مثبت آنے پر 8 ایتھلیٹس پر پابندی لگا دی۔
ترجمان پی ایس بی کے حوالے سے بتایا کہ 8 ایتھلیٹس پر پابندی گزشتہ برس ہونے والے ڈوپ ٹیسٹ کے نتائج کی بنیاد پر لگائی ہے۔ترجمان کے مطابق پی ایس بی نے 2024ء میں مجموعی طور پر 140 اینٹی ڈوپنگ ٹیسٹ کئے، جن میں 13 ایتھلیٹس کے ڈوپ ٹیسٹ مثبت ثابت ہوئے۔پی ایس بی نے ڈوپ ٹیسٹ مثبت آنے کے بعد 8 کھلاڑیوں پر پابندی لگادی ہے جبکہ 5 کے خلاف کارروائی کا عمل جاری ہے۔
ترجمان پی ایس بی کے مطابق 8 میں سے 5 کھلاڑیوں کا تعلق ویٹ لفٹنگ، ایک کا باڈی بلڈنگ، ایک کا سائیکلنگ اور ایک پلیئر کا تعلق ایتھلیٹس سے ہے۔پی ایس بی نے ویٹ لفٹر فرقان احمد پر 2 سال ، جمیل اختر اور محمد یوسف پر 3-3 سال اور غلام حسین شاہد پر 4 سال کی پابندی لگائی ہے۔
ترجمان کے مطابق ارسلان رؤف 3 سال کے لئے معطل ہیں جبکہ سائیکلسٹ نتالیہ خان اور سپرنٹر انیس خان پر بھی 3-3 سال کی پابندی لگائی گئی ہے۔پی ایس بی نے باڈی بلڈر کاشف شاہ پر 4 سالہ پابندی لگائی ہے جبکہ شاٹ پٹ ایتھلیٹ ماہنور ڈوگر اور مڈل ڈسٹنس رنر ربیلہ فاروق کا ڈوپ ٹیسٹ بھی مثبت آیا ہے، جن کے خلاف کارروائی کا عمل جاری ہے۔
ترجمان پی ایس بی کے مطابق سپرنٹر نوید انجم ، ویت لفٹر ملک سبحان اور حماد علی کو بھی نوٹس جاری کردیے گئے ہیں۔
تازہ ترین خبروں کے لیے پی این آئی کا فیس بک پیج فالو کریں
