گورنر سندھ کامران خان ٹیسوری نے مہاجر کلچر ڈے کی موٹر سائیکل ریلی میں خود موٹر سائیکل چلاکر بھرپور حصہ لیا۔
گورنر سندھ نے مہاجر کلچر ڈے کی موٹر سائیکل ریلی میں شرکت کی اور خود موٹر سائیکل چلا کر بھرپور جوش و خروش کا مظاہرہ کیا۔ایم کیو ایم پاکستان کے سینئر رہنما فاروق ستار نے گورنر سندھ کے ساتھ موٹر سائیکل پر بیٹھ کر ریلی میں شرکت کی۔کامران خان ٹیسوری کا کہنا تھا کہ مہاجر کلچر ہماری پہچان اور فخر ہے، ریلی کے ذریعے اتحاد و یکجہتی کا پیغام دیا گیا۔ گورنر سندھ نے کارکنوں کے ساتھ کیک کاٹا اور مٹھائی تقسیم کی، آتشبازی کے شاندار مظاہرے نے تقریب کو یادگار بنا دیا۔
واضح رہے کہ مہاجر کلچر ڈے آج منایا جارہا ہے اور اس کی مرکزی تقریب گورنر ہاؤس کراچی میں ہوگی۔ایم کیو ایم پاکستان کی جانب سے شہر کے مختلف مقامات پر استقبالیہ کیمپ لگائے گئے ہیں۔
تازہ ترین خبروں کے لیے پی این آئی کا فیس بک پیج فالو کریں
