دنیا بھر میں جانوروں سے محبت کرنے والے لوگ بستے ہیں جو ناصرف خود جانوروں کی دیکھ بھال کرتے ہیں بلکہ دیگر لوگوں کو بھی اس حوالے سے آگاہی فراہم کرتے ہیں۔
ایسا ہی ایک کینیڈا سے تعلق رکھنے والا شخص مچل روڈی ہے جسے کتوں سے بے پناہ محبت ہے اور اس نے مختلف نسل کے 38 کتے پال رکھے ہیں۔اسی حوالے سے گنیز ورلڈ ریکارڈز نے بتایا کہ مچل روڈی نے ایک ساتھ 38 کتوں کے ساتھ چہل قدمی کرکے ایک منفرد عالمی ریکارڈ اپنے نام کیا ہے۔گنیز ورلڈ ریکارڈز کے مطابق ریکارڈ توڑنے کے لیے مچل روڈی کو کتوں کے ساتھ ایک کلومیٹر تک پیدل چلنا پڑا جس میں وہ کامیاب ہوا۔
مچل روڈی نے یہ تمام کتے ریسکیو کیے ہیں جنہیں کاٹ کر گوشت فروخت کیا جانا تھا اور انہیں ایک شیلٹر نے گود لینے کیلئے رکھا تھا۔مچل روڈی نے اپنے انٹرویو میں بتایا کہ یہ وہ کتے ہیں جنہیں KK9R سمیت کوریا کی ایجنسیوں نے بھی ریسکیو کیا ہے، یہ جانور اچھے گھر کے مستحق ہیں، انہیں محبت کی ضرورت ہے۔مچل کا کہنا تھاکہ ایک ساتھ کتوں کو ٹہلانے کا یہ خیال ایک مہم سے متاثر ہو کر آیا تھا جس کا مقصد تھا کہ کم سے کم وقت میں زیادہ سے زیادہ کتوں کو گود لیا جا سکے۔گنیز ورلڈ ریکارڈز کے مطابق رواں سال جنوری میں جنوبی کوریا میں کتوں کے گوشت پر پابندی کا بل پاس کیا گیا تھا۔
تازہ ترین خبروں کے لیے پی این آئی کا فیس بک پیج فالو کریں
