اسلام آباد(پی این آئی)پاکستان مسلم لیگ ن کے قائد و سابق وزیراعظم میاں نوا زشریف 4 سال بعد پاکستان پہنچ گئے ۔ تفصیلات کے مطابق سربراہ ن لیگ کا طیارہ اسلام آباد ائیرپورٹ پر لینڈ کر گیا ہے ۔ اسلام آباد ٹریفک کنڑول نے انہیں خوش آمدید کہا ، ان کیساتھ عرفان صدیقی اور ڈاکٹر عدنان سمیت دیگر رہنما و صحافی موجود ہیں جبکہ ائیر پورٹ پر بڑی تعداد میںکارکنان ان کے استقبال کیلئے موجود ہیں۔
قبل ازیں پاکستان مسلم لیگ ن کے سربراہ و سابق وزیراعظم نواز شریف چار سال بعد آج وطن واپس آرہے ہیں اور ان کا طیارہ اسلام آباد کی طرف گامزن ہے اور طیارے کو لینڈنگ کے لیے گرین سگنل بھی دے دیا گیا ہے۔ نواز شریف کو وطن واپس لانے کےلیے طیارہ ’امید پاکستان‘ ایک گھنٹہ 34 منٹ تاخیر سے 11 بجکر 4 منٹ پر دبئی ائیرپورٹ سے روانہ ہوا۔سابق وزیراعظم کا طیارہ بندر عباس کے راستے ایران سے ہوتا ہوا پنجگورکے قریب پاکستان کی حدود میں داخل ہوا تھا۔
تازہ ترین خبروں کے لیے پی این آئی کا فیس بک پیج فالو کریں
