اسلام آباد(پی این آئی)اے سی سی مینز ایمرجنگ ایشیاکپ میں پاکستان کل بھارت کے مدمقابل آئے گا۔ گروپ بی کی دونوں ٹیمیں اپنے ابتدائی دو میچز جیت کر پہلے ہی سیمی فائنل کیلئے کوالیفائی کرچکی ہیں، نجی ٹی وی ایکسپریس پاکستان نے اپنے ابتدائی دو میچز میں نیپال اور متحدہ عرب امارات کو شکست دی تھی۔ روایتی حریف ٹیموں کے درمیان میچ پاکستانی وقت کے مطابق دوپہر 1 بجے شروع ہوگا۔
دوسری جانب گروپ میں اے میں صورتحال پیچیدہ ہے، جہاں افغانستان اپنے دو میچز جیت کر 4 پوائنٹس کے ساتھ پہلے، بنگلہ دیش دو میچوں ایک کامیابی سمیٹ کر 2 پوائنٹس کے ساتھ دوسرے جبکہ میزبان سری لنکا 2 میچوں میں دو پوائنٹس کے ہمراہ تیسری پوزیشن پر قابض ہے۔ اگر سری لنکا کو ایونٹ کے سیمی فائنل میں کوالیفائی کرنا ہے تو انہیں عمان سے بڑے مارجن سے میچ جیتنا ہوگا جبکہ بنگلہ دیش آج افغانستان کے مدمقابل ہے۔
تازہ ترین خبروں کے لیے پی این آئی کا فیس بک پیج فالو کریں
