لندن (پی این آئی) وزیراعظم شہباز شریف اپنی پارٹی کی سینئر قیادت کے ہمراہ لندن پہنچ گئے ہیں۔ وزیراعظم شہباز شریف کے ہمراہ لندن پہنچنے والوں میں وفاقی وزیر احسن اقبال، مریم اورنگزیب، خواجہ سعد رفیق، خواجہ آصف اور خرم دستگیر شامل ہیں۔ شہری ہوا بازی کے محکمہ کے ذرائع کے مطابق غیر ملکی پرواز مقامی وقت صبح 5:25 بجے لندن کے گیٹ وک ایئر پورٹ کے ساؤتھ ٹرمینل پر اتر گئی ہے۔
وزیراعظم شہباز شریف غیر ملکی پرواز سے نصف شب کو اسلام آباد سے روانہ ہوئےتھے۔ یہ بات اہم ہے کہ شہباز شریف اور دیگر مسلم لیگی رہنماء ن لیگ کے قائد میاں نواز شریف سے آج اہم ملاقات کریں گے اور مستقبل کی سیاسی حکمت عملی پر ہدایات حاصل کریں گے۔۔۔۔
تازہ ترین خبروں کے لیے پی این آئی کا فیس بک پیج فالو کریں
