کیف (پی این آئی) گزشتہ 11 روز سے یوکرین میں روسی افواج کی طرف سے جاری جنگ کے دوران دو یوکرینی جنگجوؤں نے میدانِ جنگ میں ہی شادی کرنے کا فیصلہ کیا۔کیف پوسٹ کے آفیشل ٹوئٹر اکاؤنٹ کے مطابق علاقائی دفاع کی 112 بریگیڈ کے لیسیا اور والیری نے اتوار کو شادی کی۔ٹوئٹر اکاؤنٹ پر فوجی خاتون لیسیا اور والیری کی شادی کی تصویر بھی شیئر کی گئی۔.
Today, in the field conditions of #UkraineRussiaWar, two fighters of the 112 brigade of the territorial defense, Lesya and Valeriy got married. The military chaplain married them. pic.twitter.com/5g7MNDQ5zZ
— KyivPost (@KyivPost) March 6, 2022
تصویر میں دیکھا جاسکتا ہے کہ دولہا اور دلہن دونوں فوجی وردی میں موجود ہیں جبکہ دلہن کے ہاتھ میں پھولوں کا گلدستہ ہے۔ دوسری جانب یوکرین کے دارالحکومت کیف کے قریب علاقہ ارپن میں روسی افواج کے حملوں اور شیلنگ سے 3 شہری ہلاک ہوگئے، جبکہ ایک پل بھی تباہ ہوا ہے۔میڈیا رپورٹ کے مطابق روسی افواج کی پیش قدمی روکنے کیلئے یوکرین آرمی نے ارپن اور بوجا دریاؤں کے پل تباہ کر دیئے ہیں۔میڈیا رپورٹ میں بتایا گیا ہے کہ بڑی تعداد میں شہریوں کا ارپن کے علاقے سے انخلاء جاری ہے۔
تازہ ترین خبروں کے لیے پی این آئی کا فیس بک پیج فالو کریں
