کراچی (پی این آئی) ملک بھر میں کورونا کی ویکسین نہ لگوانے والے افراد کے خلاف کارروائیوں کا آغاز کر دیا گیا ہے۔ اس کا آغاز کراچی سے کیا گیا ہے جہاں پولیس نے دو افراد کو کورونا ویکسین نہ لگوانے کے الزام میں گرفتار کر لیا ہے۔ذرائع کا کہنا ہے کہ کراچی میں کورونا وائرس کی ویکسین نہ لگوانے والوں کے خلاف پولیس نے کارروائیوں کا آغاز کر دیاہے اورسہراب گوٹھ پولیس نے کورونا وائرس کی ویکسین نہ لگوانے والے 2 افراد کو گرفتار کر لیا ہے۔
مقامی پولیس کے مطابق ملزمان کے خلاف سہراب گوٹھ تھانے میں سرکار کی مدعیت میں مقدمہ درج کیا گیا ہے۔پولیس حکام کا کہنا ہے کہ مقدمے میں سرکاری احکامات کی خلاف ورزی کی دفعات شامل کی گئی ہیں۔پولیس حکام کا یہ بھی کہنا ہے کہ یہ مقدمہ وبائی امراض ایکٹ 2014ء کے تحت درج کیا گیا ہے۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
