کورونا ویکسی نیشن کے حوالے سے دی گئی ڈیڈ لائن ختم ،سعودی عرب میں بھی کرونا کی نئی پابندیاں لگ گئیں

ریاض(پی این آئی)سعودی عرب میں بھی کورونا کی نئی پابندیاں لگا دی گئیں۔عرب میڈیا کے مطابق سعودی عرب کے مارکیٹوں میں داخلے کے لیے کورونا ویکسی نیشن کی پابندی کا اطلاق آج سے ہو گا۔ سعودی عرب میں کورونا ویکسی نیشن کے حوالے سے ڈیڈ لائن ختم ہو گئی جس کے بعد اب بازاروں اور عوامی مقامات پر ویکسین لگوانے والے ہی جا سکیں گے۔نجی ٹی وی ہم نیوز کے مطابق سعودی وزارت تجارت کے ترجمان عبدالرحمن الحسین کا کہنا ہے کہ یکم اگست سے توکلنا ایپ پر’ویکسینیڈڈ‘ کے اسٹیٹس کے حامل افراد ہی بازاروں میں داخل ہو سکیں گے اس کے علاوہ دیگر افراد کو بازاروں میں داخلے کی اجازت نہیں ہو گی۔

خیبر پختونخوا میں اہم ترین عہدے پر نئی شخصیت نے حلف اٹھا لیا

پشاور (آئی این پی ) خیبر پختونخوا کے محتسب سید جمال الدین شاہ نے عہدے کا حلف اٹھا لیا، گورنر خیبر پختونخواہ شاہ فرمان نے سید جمال الدین شاہ سے بحثیت صوبائی محتسب خیبر پختونخواعہدے کا حلف لیا۔ گورنرہاوس پشاور میں صوبائی محتسب کی تقریب حلف برداری ہوئی، گورنرخیبر پختونخواہ شاہ فرمان نے سید جمال الدین شاہ سے بحثیت صوبائی محتسب خیبرپختو نخوا انکے عہدہ کا حلف لیا، گورنرنے صوبائی محتسب سید جمال الدین شاہ کو نئی ذمہ داریوں پر مبارکباد دی اور نیک تمناں کا اظہارکیا۔ تقریب حلف برداری میں صوبائی وزرا عاطف خان، شوکت یوسفزئی، فضل شکور خان، ایڈووکیٹ جنرل پشاور، انتظامی سربراہان کے علاوہ دیگر شریک ہوئے۔۔۔۔