سابق چیف جسٹس پاکستان فیملی سمیت کورونا میں مبتلا ہو گئے

اسلام آباد(پی این آئی )اسلام آباد کے ججز انکلیو میں مزید کورونا کیسز رپورٹ ہوئے ہیں،سابق چیف جسٹس پاکستان انور ظہیر جمالی بھی کورونا میں مبتلا ہوگئے۔ ذرائع کا کہناہے کہ سابق چیف جسٹس کی پوری فیملی میں بھی کورونا وائرس کی تشخیص ہوئی ہے۔ نجی ٹی وی ٹوئنٹی فور کے ذرائع کاکہناہے کہ انور ظہیر جمالی نے فیملی کے ہمراہ خود کو ججز انکلیو کے ریسٹ ہاؤس میں قرنطینہ کر لیاہے،ذرائع کے مطابق سابق چیف جسٹس چند روز قبل اپنی فیملی کے ہمراہ مری سے لوٹے تھے۔

خیبر پختونخوا میں اہم ترین عہدے پر نئی شخصیت نے حلف اٹھا لیا

پشاور (آئی این پی ) خیبر پختونخوا کے محتسب سید جمال الدین شاہ نے عہدے کا حلف اٹھا لیا، گورنر خیبر پختونخواہ شاہ فرمان نے سید جمال الدین شاہ سے بحثیت صوبائی محتسب خیبر پختونخواعہدے کا حلف لیا۔ گورنرہاوس پشاور میں صوبائی محتسب کی تقریب حلف برداری ہوئی، گورنرخیبر پختونخواہ شاہ فرمان نے سید جمال الدین شاہ سے بحثیت صوبائی محتسب خیبرپختو نخوا انکے عہدہ کا حلف لیا، گورنرنے صوبائی محتسب سید جمال الدین شاہ کو نئی ذمہ داریوں پر مبارکباد دی اور نیک تمناں کا اظہارکیا۔ تقریب حلف برداری میں صوبائی وزرا عاطف خان، شوکت یوسفزئی، فضل شکور خان، ایڈووکیٹ جنرل پشاور، انتظامی سربراہان کے علاوہ دیگر شریک ہوئے۔۔۔۔