ملک بھر میں شدید بارشوں کا سلسلہ، محکمہ موسمیات نے بڑی پیشنگوئی کر دی

اسلام آباد(پی این آئی)جمعہ اور ہفتہ کے روز اسلام آباد سمیت خطہ پوٹھوہار، خیبر پختو نخوا،اور کشمیر میں موسلادھار بارش کی پیشگوئی۔ موسلادھار بارشوں سے ژوب،موسیٰ خیل،لورالائی، ڈی آئی خان،بنوں،کرک ، وزیرستان کے پہاڑی ندی نالوں میں طغیانی کا خدشہ .بروزجمعرات/جمعہ جبکہ دیر،مالاکنڈ،سوات،پشاور،مردان ،ہزارہ اورکشمیر کے پہاڑی ندی نالوں میں بروزجمعہ/ہفتہ طغیانی کا خدشہ۔

موسلادھار اور مسلسل بارشوں کی وجہ سے کشمیر،گلگت،مالاکنڈ،دیر اور ہزارہ کی پہاڑی شاہراؤں پر لینڈ سلائیڈنگ کا خطرہ۔غیر معمولی بارشوں،ژالہ باری اور تیز ہواؤں سے خیبر پختو نخوا اور بالائی پنجاب میں گندم کی فصل کو جزوی نقصان کا خدشہ۔محکمہ موسمیات کے مطابق جمعه کے روز خیبر پختو نخوا، اسلا م آباد، پنجا ب،کشمیر، گلگت بلتستان اوربالائی سندھ میں گر ج چمک اور تیز ہو اؤں کے سا تھ بارش کی توقع ہے۔ کشمیر،بالائی خیبر پختو نخوا، شما ل مشرقی بلو چستا ن اور بالائی پنجاب میں بعض مقامات پر موسلادھار بارش/ژالہ باری کا بھی امکان ہے۔موسلادھار اور مسلسل بارشوں کی وجہ سے مقامی ندی نالوں میں طغیانی کا خدشہ۔ اس دوران کر اچی سمیت زیریں سندھ میں گر د آلودہوائیں چلنےکی تو قع ہے۔گذشتہ 24 گھنٹے کا موسم خیبرپختونخوا ، پنجاب ، شمالی بلوچستان ، کشمیر اور اسلام آباد کے تمام اضلاع میں تیز ہواو ٔں اورگرج چمک کے ساتھ بارش ہوئی ۔ اس دوران مالم جبہ اور پٹن میں برف باری بھی ہوئی۔بارش (ملی میٹر): خیبرپختونخوا: دیر (بالائی 81 ، زیریں 61) ، مالم جبہ 61 ، چیراٹ 40 ، سیدو شریف 35 ، میر کھانی 32 ، تحت بائی 36 ، دروش 21 ، چترال ، پاراچنار 18 ، کالام 17 ، ڈی آئی خان 15 ، کاکول 14 ، پشاور (ائیر پورٹ) 14 ، سٹی 12) ، پٹن 10 ، بالاکوٹ 02 ، بنوں 01 ، کشمیر: راولاکوٹ 38 ، مظفرآباد (ائیر پورٹ 38 ، سٹی 26) ، گڑھی دوپٹہ 18 ، کوٹلی 12 ، پنجاب: ساہیوال 36 ، اوکاڑہ 32 ، نور پور تھل 29 ، اسلام آباد (سید پور 32 ، زیروپوائنٹ 29 ، بوکرا 21 ، گولڑہ 19 ، ائیر پورٹ 13) ، اٹک 29 ، بہاولنگر 26 ، مری 22 ، راولپنڈی (شمس آباد 17 ، چکلالہ 15) ، ٹوبہ ٹیک سنگھ ، منگلا 16 ، چکوال 14 ، لیہ ، ملتان 13 ، خانیوال ، رحیم یار خان 11 ، کوٹ ادو 09 ، منڈی بہاؤالدین 09 ، فیصل آباد 08 ، نارووال ، بھکر ، حافظ آباد 06 ، ڈی جی خان ، جھنگ 05 ، لاہور (سٹی 05 ، ائیر پورٹ 02) ، سیالکوٹ (ائیر پورٹ 04 ، سٹی 03) ، گوجرانوالہ 04 ، جہلم 03 ، گجرات ، قصور 01 ، بلوچستان: سبی 34 ، ژوب 09 ، بارکھان 07 ، خضدار 04 ، کوئٹہ (سمنگلی 05 ، سٹی 02) ، قلات 01 ، سندھ: ٹنڈوجام 10 ، جیکب آباد 04 ، دادو 03 ۔برف باری (انچ): مالم جبہ 10 ، پٹن 04۔آج ریکارڈ کیے گئے کم سے کم درجہ حرارت: استور منفی 02 ، کالام اور مالم جبہ میں منفی01ڈگری سینٹی گریڈ ریکارڈ کیا گیا۔