اسلام آباد (پی این آئی)بارشوں کا سلسلہ ابھی ختم نہیں ہو گا، محکمہ موسمیات کی ہلچل مچا دینے والی پیشنگوئی۔۔ محکمہ موسمیات نے ملک کے بیشتر علاقوں میں مزید بارشوں کی پیش گوئی کر دی۔موسم کا حال بتانے والوں کے مطابق اسلام آباد،راولپنڈی، لاہور اور کراچی میں گرج چمک کے ساتھ بارش کا امکان ہے۔
اسلام آباد اور راولپنڈی کے ندی نالوں میں طغیانی اور نشیبی علاقے زیرآب آنے کا خطرہ ہے۔محکمہ موسمیات نے ہدایت کی ہے کہ مسافر اور سیاح موسمی حالات کومدنظررکھ کرسفرکریں اورسفرکے دوران مزیدمحتاط رہیں۔محکمہ موسمیات کے مطابق گذشتہ 24 گھنٹوں کے دوران خیبرپختونخوا، پنجاب، کشمیر، بلوچستان، زیریں سندھ اور گلگت بلتستان میں گرج چمک کے ساتھ بارش ہوئی۔
