امریکا کی میساچوسیٹس پورٹ اتھارٹی (ماسپورٹ) نے اعلان کیا ہے کہ وہ فیفا ورلڈ کپ کی خوشی میں دنیا کی سب سے بڑی فٹبال تیار کرے گی۔
ماسپورٹ کے مطابق اس دیوقامت فٹبال کا قطر 45 فٹ ہوگا، جس کا مقصد اسے گینیز ورلڈ ریکارڈ کے تحت دنیا کی سب سے بڑی فٹبال بنانا ہے۔ اس وقت یہ ریکارڈ دوحہ بینک کے پاس ہے، جس نے 2013 میں 39 فٹ 11.8 انچ قطر کی فٹبال تیار کی تھی۔
یہ بڑی فٹبال 12 جون سے 18 جون تک پیئرس پارک II میں نمائش کے لیے رکھی جائے گی، جبکہ 13 جون کو وہاں ایک خصوصی کمیونٹی ایونٹ بھی منعقد ہوگا۔
یہ اقدام فیفا ورلڈ کپ کے اُن میچز کی خوشی میں کیا جا رہا ہے جو جون اور جولائی میں بوسٹن اسٹیڈیم، فاکسبرو میں کھیلے جائیں گے۔
تازہ ترین خبروں کے لیے پی این آئی کا فیس بک پیج فالو کریں
