قومی بچت نے 25 ہزار روپے مالیت کے پرائز بانڈز کی 10 ستمبر 2026 کو کوئٹہ میں ہونے والی قرعہ اندازی کے نتائج جاری کردیے ہیں۔
قرعہ اندازی میں دو بانڈ ہولڈرز نے پہلا انعام جیتا، جس کی مالیت 3 کروڑ روپے فی انعام ہے۔ پہلے انعام کے لیے کامیاب قرار پانے والے پرائز بانڈ نمبرز 151975 اور 154149 ہیں، جن کے مالکان کو 3،3 کروڑ روپے دیے جائیں گے۔
اسی طرح پانچ بانڈ ہولڈرز نے دوسرا انعام حاصل کیا، جس کی مالیت ایک کروڑ روپے فی انعام مقرر ہے۔ دوسرے انعام کے لیے کامیاب نمبرز 322522، 428227، 501842، 579060 اور 647138 ہیں۔ پانچوں کامیاب بانڈ ہولڈرز کو ایک، ایک کروڑ روپے کا انعام ملے گا۔
قرعہ اندازی میں مجموعی طور پر 700 بانڈ ہولڈرز نے تیسرا انعام بھی جیتا، جس کی مالیت 3 لاکھ روپے فی انعام ہے۔ قومی بچت نے تیسرے انعام کے تمام کامیاب پرائز بانڈ نمبرز کی مکمل فہرست بھی جاری کردی ہے۔
قرعہ اندازی میں کامیاب ہونے والے بانڈ ہولڈرز کو انعامی رقم کی ادائیگی کے وقت ایف بی آر کے قوانین کے تحت ود ہولڈنگ ٹیکس بھی ادا کرنا ہوگا۔ ٹیکس فائلرز کے لیے انعامی رقم پر 15 فیصد جبکہ نان فائلرز کے لیے 30 فیصد ود ہولڈنگ ٹیکس لاگو ہوگا۔
