ممبئی(پی این آئی)پاکستان اور بھارت میں رواج تو یہ ہے کہ دولہا سج دھج کر باراتیوں کے ساتھ دلہن کے گھر بارات لے کر جاتا ہے لیکن اب بھارت میں اپنی نوعیت کا ایک انوکھا واقعہ پیش آیا ہے۔بارات کے ساتھ گھوڑے پر سوار ہوکر دولہا کا اپنی دلہن کے گھر جانا ایک عام روایت ہے لیکن اس روایت کو ایک دلہن نے ختم کرتے ہوئے دیکھنے والوں کو حیرت میں ڈال دیا۔
#WATCH बिहार: गया में एक दुल्हन ने घोड़ी पर चढ़कर अपनी बारात निकाली। (13.12) pic.twitter.com/7MmW7klciq
— ANI_HindiNews (@AHindinews) December 14, 2021
ہوا کچھ یوں کہ ایک لڑکی روایات کو چیلنج کرتے ہوئے اپنی بارات لڑکے کے گھر لے کر پہنچ گئی۔بھارتی میڈیا کے مطابق دلہن کے باراتی دلہے کے گھر کے باہر خوشی سے ناچ رہے تھے۔ دلہن سفید رنگ عروسی جوڑے میں فخریہ انداز میں گھوڑے پر بیٹھی لطف اندوز ہو رہی تھی۔اور صرف یہی نہیں دلہن نے شہنائیوں کی دھن پر گھوڑے پر بیٹھے بیٹھے بھنگڑا ڈالنے کے انداز میں خود بھی جشن منایا،بھارتی ایئر لائنز انڈگو کی ایک سینئر ایئر ہوسٹس انوشکا گوہا نے گزشتہ روز اپنے رشتہ داروں اور دوستوں کے ساتھ گھوڑے پر سوار اپنی بارات کی قیادت کی اس دوران وہ وہ بینڈ باجا بجانے والوں کی دلکش دھنوں پر رقص بھی کرتی رہی۔سفید رنگ کے عروسی لہنگے میں ملبوس دلہن اپنے دولہا جیت مکھرجی کے گھر پہنچی جو کولکتہ میں ایک کاروباری شخصیت ہے۔ جو بعد میں اپنی کار میں بارات میں شامل ہوا تھا۔
