فیصل آباد کی انسدادِ دہشت گردی کی خصوصی عدالت نے 9 مئی کو رانا ثناءاللّٰہ کے گھر پر حملے کے کیس کا فیصلہ سنا دیا۔ عدالت نے 109 ملزمان میں سے 75 کو مجرم قرار دے کر مختلف مدت کی قید کی سزائیں سنائیں جبکہ 34 کو بری کردیا گیا۔
فیصلے کے مطابق تھانہ سمن آباد میں درج مقدمے میں 59 ملزمان کو 10، 10 سال قید اور 16 ملزمان کو 3، 3 سال قید کی سزا دی گئی۔ جن میں عمر ایوب، شبلی فراز، زرتاج گل، شیخ راشد، رائے مرتضیٰ اقبال، رائے حسن نواز، اسماعیل سیلا، عنصر اقبال، بلال اعجاز، اشرف سوہنا، مہر جاوید، شکیل نیازی، فرح آغا، محمد خان، فرخندہ کوکب، محمد احمد چٹھہ اور کنول شوذب شامل ہیں۔
شیخ راشد جاوید اور بعض دیگر کارکنوں کو بھی تین سال قید کی سزا سنائی گئی ہے۔ جبکہ سابق وفاقی وزیر فواد چوہدری اور شاہ محمود قریشی کے بیٹے زین قریشی کو مقدمے سے بری کردیا گیا۔ یاد رہے کہ یہ اس نوعیت کا چوتھا کیس ہے جس کا فیصلہ خصوصی عدالت نے سنایا ہے۔ اس موقع پر عدالت کے اندر اور باہر پولیس کی اضافی نفری تعینات رہی۔
تازہ ترین خبروں کے لیے پی این آئی کا فیس بک پیج فالو کریں
