پاکستانی اداکارہ و معروف میزبان ندا یاسر نے اپنے مارننگ شو میں انکشاف کیا ہے کہ معروف اداکار ہمایوں سعید بیرونِ ملک فلم کی شوٹنگ کے دوران ایک حادثے کا شکار ہوگئے تھے۔
ندا یاسر کے حالیہ پروگرام میں اداکارائیں نتاشا علی، رباب مسعود، حرا عمر اور ثنا عسکری شریک ہوئیں۔ دورانِ گفتگو جب شوبز شخصیات کے ساتھ بیرونِ ملک پیش آنے والے واقعات کا تذکرہ ہوا تو ندا نے چونکا دینے والا انکشاف کیا۔ انہوں نے بتایا کہ ہمایوں سعید شاید تھائی لینڈ یا کسی اور ملک میں فلم کی شوٹنگ کے دوران جیٹ اسکینگ کر رہے تھے، جب وہ اچانک پھسل گئے اور ان کا جبڑا فریکچر ہوگیا۔
ندا یاسر نے مزید بتایا کہ یہ بات انہیں اس لیے معلوم ہے کیونکہ ہمایوں سعید ان کے دیور، ڈاکٹر فراز نواز سے علاج کرواتے ہیں۔ جب تک فراز پاکستان واپس نہیں آئے، ہمایوں کو شدید تکلیف برداشت کرنا پڑی۔
تازہ ترین خبروں کے لیے پی این آئی کا فیس بک پیج فالو کریں
