ارشد ندیم اور نیرج چوپڑا پھر سے آمنے سامنے

برصغیر کے دو معروف نیزہ باز، اولمپک میڈلسٹ ارشد ندیم اور نیرج چوپڑا ایک بار پھر آمنے سامنے آنے والے ہیں۔

ٹوکیو اولمپکس کے بعد اب تقریباً ایک سال کے وقفے سے یہ دونوں ایتھلیٹس اگلے ماہ پولینڈ میں ہونے والی ڈائمنڈ لیگ میں ایک دوسرے کے خلاف میدان میں اتریں گے۔

یہ مقابلہ 16 اگست 2025 کے بعد دونوں کے درمیان پہلا براہِ راست ٹاکرا ہوگا، جس کا شائقین کو شدت سے انتظار ہے، کیونکہ یہ پیرس اولمپکس کے گولڈ اور سلور میڈلسٹ بھی ہیں۔

ارشد ندیم پولینڈ کے بعد سوئٹزرلینڈ میں اگست کے آخر میں ہونے والی ڈائمنڈ لیگ میں بھی شرکت کریں گے، جہاں ایک بار پھر زیورخ میں 27 اگست کو نیرج چوپڑا سے مقابلے کا امکان ہے۔

ارشد ندیم کا کہنا ہے کہ ان کی مکمل توجہ ورلڈ ایتھلیٹکس چیمپئن شپ پر مرکوز ہے، تاہم حالیہ دنوں میں وہ معمولی فٹنس مسائل سے دوچار ہیں۔

ڈاکٹرز کے مطابق ارشد کی پنڈلی میں معمولی کھنچاؤ ہے، جس کے باعث انھیں سخت ٹریننگ سے روک دیا گیا ہے، لیکن وہ جلد ہی مکمل فٹ ہوکر میدان میں واپس آنے کے لیے پرعزم ہیں۔