کراچی میں سبزی منڈی کے قریب لگنے والی آگ نے درجنوں دکانوں کو اپنی لپیٹ میں لے لیا، جس کے نتیجے میں کروڑوں روپے کا سامان جل کر خاکستر ہوگیا۔
فائر بریگیڈ کے ایک درجن سے زائد گاڑیوں نے آگ بجانے کے عمل میں حصہ لیا۔سپر ہائی وے سبزی منڈی کے قریب آتشزدگی سے متاثرہ دکانوں میں بانس، چٹائی، باردانہ اور لکڑی کی چارپائیاں، فروٹ پیک کرنے والی پیٹیوں سمیت دیگر سامان جل گیا۔
متاثرہ دکانداروں کا کہنا تھا کہ صبح 9 بجے سے لگنے آگ کی اطلاع فوری طور پر فائز بریگیڈ کودی گئی، فائر ٹینڈرز بروقت نہ پہنچنے کے باعث نقصان ہوا۔چیف فائر آفیسر کا کہنا تھا کہ آگ بجھانے کے لیے فائربرگیڈ کی 14 گاڑیوں نے ریسکیو کے عمل میں حصہ لیا، وقتی طور پر پانی کی کمی کا سامنا تھا، تین سے چار ایکڑ رقبے پر پھیلی مارکیٹ میں 200سے زائد دکانیں مکمل طور پر جل چکی ہیں۔
آگ کی اطلاع ملنے کے بعد واٹر بورڈ کی جانب سے پانی کی فوری فراہمی کے لیے ایمرجنسی نافذ کر دی گئی، آگ لگنے کے باعث ہر طرف دھوئیں کے بادل چھا گئے، اس موقع پر رینجرز اور پولیس کی بھاری نفری موقع پر موجود رہی۔
تازہ ترین خبروں کے لیے پی این آئی کا فیس بک پیج فالو کریں
