ممبئی(پی این آئی) بھارت کے مشہور اور مزاحیہ اداکار ٹیکو تلسانیہ برین سٹروک کا شکار ہوگئے۔
بھارتی میڈیا رپورٹ کے مطابق سینئر اداکار ٹیکو تلسانیہ کو برین سٹروک ہوا جس کے بعد انہیں تشویشناک حالت میں ہسپتال منتقل کیا گیا۔اس سے قبل خبریں سامنے آئی تھیں کہ اداکار کو ہارٹ اٹیک ہوا ہے لیکن اب بھارتی میڈیا نے تصدیق کی ہے کہ ٹیکو تلسانیہ کو درحقیقت برین سٹروک ہوا ہے۔بھارتی میڈیا کے مطابق ٹیکو تلسانیہ گجراتی فلم کی خصوصی سکریننگ کیلئے وینیو پر پہنچے تھے جہاں انہیں الٹی ہوئی جس کے بعد انہیں ہسپتال لے جایا گیا اور ڈاکٹروں نے برین سٹروک کی تصدیق کی ہے۔بھارتی میڈیا کا بتانا ہے کہ ٹیکو تلسانیہ کی حالت نازک بتائی جارہی ہے۔
تازہ ترین خبروں کے لیے پی این آئی کا فیس بک پیج فالو کریں
