راولپنڈی (پی این آئی) پاکستان کرکٹ ٹیم کے فاسٹ بولر شاہین آفریدی نے اپنے ساتھی کرکٹر محمد رضوان کو ٹی ٹوئنٹی کرکٹ کا بریڈمین قرار دے دیا۔
محمد رضوان نے نیوزی لینڈ کے خلاف جاری ٹی ٹوئنٹی سیریز کے دوسرے میچ میں اہم سنگ میل عبور کیا۔رضوان ٹی ٹوئنٹی انٹرنیشنل میں بابر اعظم اور ویرات کوہلی کو پیچھے چھوڑتے ہوئے تیز ترین 3000 رنز بنانے والے کھلاڑی بن گئے۔انہوں نے 79 اننگز میں یہ کارنامہ سر انجام دیا۔اس سے قبل بابر اعظم اور ویرات کوہلی نے 81، 81 اننگز میں 3000 ٹی ٹوئنٹی رنز مکمل کیے تھے۔تاہم ٹی ٹوئنٹی انٹرنیشنل میں تیز ترین 3000 رنز مکمل کرنے پر شاہین آفریدی نے سوشل میڈیا پر بیان جاری کرتے ہوئے محمد رضوان کو مبارک باد دی۔
تازہ ترین خبروں کے لیے پی این آئی کا فیس بک پیج فالو کریں
