کچھ تو خدا کا خوف اور پاکستانی قوم پر رحم کریں، کیا کبھی قبر میں نہیں جانا؟ سلیم صافی کے صبر کا پیمانہ لبریز ہوگیا

اسلام آباد(پی این آئی )پاکستانی سرحد پر کارروائی کے دوران بڑے پیمانے پر سمگلنگ کا مال پکڑ کر معیشت کے ساتھ ہونے والے کھلواڑ کو آہنی ہاتھوں روکنے کا سلسلہ جاری ہے لیکن اب سینئر صحافی سلیم صافی نے ٹویٹر پر ایک تصویر شیئر کرتے ہوئے ایران سے تیل سمگل کرنے کا سنگین دعویٰ کر دیا ہے۔

جس پاکستان میں اس انداز سے ایرانی پٹرول سمگل کر آرہا ہو، اس میں افغانستان سے عسکریت پسندوں کا آنا کیسے روکا جارہا ہوگا؟۔ اندازہ کریں؟ یہ پاکستان ہے یا سمگلستان ؟۔ کچھ تو خدا کا خوف اور پاکستانی قوم پر رحم کریں۔ کیا کبھی قبر میں نہیں جانا؟ pic.twitter.com/WxGhdEy5v7

— Saleem Safi (@SaleemKhanSafi) July 21, 2023

تفصیلات کے مطابق سینئر صحافی سلیم صافی نے ٹویٹر پر ایک تصویر شیئر کی جس میں سینکڑوں کی تعداد میں نیلے رنگ کی لوڈر گاڑیاں کینز اٹھائے قطار میں بڑھتی چلی جاتی دکھائی دیتی ہیں اس پر سلیم صافی نے تبصرہ کرتے ہوئے دعویٰ کیا کہ مبینہ طور پر ایران سے تیل پاکستان میں سمگل کیا جارہاہے تاہم اس حوالے سے متعلقہ حکام کی جانب سے کوئی رد عمل سامنے نہیں آ سکا ہے ۔سلیم صافی کا اپنے پیغام میں کہناتھا کہ ”جس پاکستان میں اس انداز سے ایرانی پٹرول سمگل کر آرہا ہو، اس میں افغانستان سے عسکریت پسندوں کا آنا کیسے روکا جارہا ہوگا؟۔ اندازہ کریں؟ یہ پاکستان ہے یا سمگلستان ؟۔ کچھ تو خدا کا خوف اور پاکستانی قوم پر رحم کریں۔ کیا کبھی قبر میں نہیں جانا؟“۔