اسلام آباد (پی این آئی) سائر ہ بانو کا کہنا ہے کہ عام انتخابات کا تو میں سوچ بھی نہیں کہہ سکتی،میرے پاس چالیس،پچاس کروڑ نہیں کہ الیکشن لڑوں۔
سیاسی ماحول میں اب کوئی چیز معنیٰ نہیں رکھتی، انتخابات پر عوام کا پیسہ خرچنے کی بجائے قرعہ اندازی کے ذریعے اقتدار سونپا جائے، سائرہ بانو کا مشورہ#PublicNews #NewsUpdates @SairaBanoPK #Politics #Elections pic.twitter.com/N0PSe7sfV5
— Public News (@PublicNews_Com) July 7, 2023
میڈیا رپورٹس کے مطابق جی ڈی اے کی رکن قومی اسمبلی سائرہ بانو نے پارلیمنٹ ہاؤس میں صحافیوں سے گفتگو کرتے ہوئے کہا ہے کہ سیاسی ماحول میں اب کوئی چیز معنی نہیں رکھتی،انتخابات پر عوام کا پیسہ خرچ کرنے کے بجائے قرعہ اندازی کے ذریعے اقتدار سونپ دینا چاہیے۔صحافی نے سوال کیا کہ حالات بدلیں گے؟ جس پر انہوں نے کہا کہ آپ نے دیکھے ہیں حالات بدلتے ہوئے؟۔ نواز شریف کو سیاسی انتقام کا نشانہ بنانے کے عدالتی فیصلے پر سائرہ بانو نے کہا کہ اگر عدالت نے فیصلہ دیا ہے تو ٹھیک ہی دیا ہو گا۔ رکن قومی اسمبلی نے ایک اور سوال کے جواب میں کہا کہ عام انتخابات کا تو میں سوچ بھی نہیں کہہ سکتی،میرے پاس چالیس،پچاس کروڑ نہیں ہے کہ میں الیکشن لڑوں،اس سے بہتر ہے میں لوگوں کی مدد کر دوں تاکہ وہ مجھے دعائیں دیں۔قبل ازیں جی ڈی اے کی رہنما سائرہ بانو نے اگلے عام انتخابات کے حوالے سے شکوک وشبہات کا اظہار کرتے ہوئے کہا تھا کہ مجھے نہیں لگتا انتخابات ہو رہے ہیں۔پی ٹی آئی کے ساتھ ہمارا اتحاد حکومت کی حد تک تھا۔ انہوں نے کہا کہ شفاف ٹرائل کا حق ہر شہری کا بنیادی حق ہے۔
علاوہ ازیں سائرہ بانو کا کہنا تھا کہ سرکاری ملازمین کی 35 فیصد تنخواہ بڑھائی گئی ہے اب مہنگائی 40 فیصد بڑھ جائے گی۔ سرکاری ملازمین کام نہیں کر رہے،اسپتال کام نہیں کر رہے،پوچھتی ہوں سیاستدان کب سرکاری ملازمین سے جان چھڑائیں گے؟۔اب جا کر علم ہوا ہے کہ 70 سال سے یہ سیاستدان کمزور ہیں،ہم نام لینے سے کیوں گھبراتے ہیں۔
تازہ ترین خبروں کے لیے پی این آئی کا فیس بک پیج فالو کریں
