شیخ رشید نے نواز شریف کو پاکستان آنے کی دعوت دیدی

لاہور( آئی این پی ) سابق وزیر داخلہ شیخ رشید احمد نے کہاہے کہ زبردستی کے سیاسی نکاح کاانجام طلاق ہوتاہے،20کلوآٹا3000روپے کاہوگیاہے غریب کیاپکائے گا اورکیاکھائے گا،عوام روٹی کی بجائے زہرکاگھونٹ پینے پرمجبورہوں گے ،نوازشریف پاکستان آکربھی دیکھ لیں تاکہ اس کابھی کٹی کٹانکل جائے،3پارٹیاں2تہائی اکثریت لینے کا دعوی کررہی ہیں ان کے امیدواروں کی ضمانتیں ضبط ہوں گی۔

ٹوئٹر پر جاری اپنے بیان میں شیخ رشید نے کہا کہ پیپلزپارٹی کوسوات میں جلسہ کرنے پرزمینی حقائق سمجھ آجانے چاہئیں، سیاسی پارٹی اورڈسکو پارٹی میں فرق ہوتاہے ،بریانی والی جلسیاں چہروں سے پہچانی جاتی ہیں ،جس پارٹی کاصدرڈارکوسپورٹ کررہاہووہ غریب کی غربت اوربے بسی کامذاق اڑارہاہے ،سیاسی پارٹیاں خوشامدیوں میراثیوں سے نہیں باضمیرورکروں سے چلتی ہیں۔انہوںنے کہاکہجن کے اپنے بچوں کی پاکستانی شہریت نہیں وہ دوسروں کے بچوں کوکیاطعنہ دیں گے ،اس باراورسیزپاکستانی پاکستان کی سیاست کو پلٹ کر رکھ دیں گے ،بلاول نے بیرون ملک دوروں کی نصف سنچری مکمل کی ،کہتاتھا10ارب ڈالرآئیں گے اب بجٹ پرنوراکشتی کررہاہے ،عوام بتائے گی کہ ہم بکائودہی بھلے اور پاپڑوالے نہیں ہیں۔انہوںنے کہا کہ دنیاہماری اخلاقی مالیاتی گراوٹ کی وجہ سے ہمیں امدادنہیں دے رہی ،بلاول کواب خیال آیاجب سیلاب زدگان کوبھوک وافلاس نے ماردیا،بیروزگاری کے ہاتھوں300افرادیونان کے سمندرمیں شہید ہوگئے ،یہ معاشی قتل عام ہے ،یوم احتساب اوریوم حساب دورنہیں ،سیاست کوگڈی گڈے کاکھیل سمجھنے والوں کی آنکھیں جلدکھل جائیں گی۔