علی ظفر کی ن لیگ میں شمولیت کی خبریں؟ ٹویٹر پر ویڈیو پیغام بھی جاری کر دیا

لاہور (پی این آئی )بین الاقوامی شہرت یافتہ پاکستانی گلوکار علی ظفر کی سوشل میڈیا پر وائرل ہونے والی ایک تصویر کی بنیاد پر افواہیں زیر گردش تھیں کہ گلوکار نے سیاسی جماعت میں شمولیت اختیار کر لی ہے تاہم اب انہوں نے وضاحت کرتے ہوئے تردید کر دی ہے اور اس جیکٹ کی کہانی بھی بیان کر دی ہے۔

ہر چیز کو بغیر تحقیق کیے سیاسی رنگ دینا اور متنازعہ بنانا مناسب نہیں۔ غلط headline کے ساتھ شائع کی گئی تصویر کی اصل حقیقت۔ pic.twitter.com/hYTQu7IgmZ

— Ali Zafar (@AliZafarsays) May 1, 2023

تفصیلات کے مطابق علی ظفر نے تصویر کے ساتھ شائع ہونے والی افواہوں پر خاموشی توڑتے ہوئے ویڈیو پیغام جاری کیا جس میں انہوں نے جیکٹ بھی دکھائی اور کہا کہ میں گزشتہ شب ٹورنٹو میں شور کر رہا تھا تو میں نے لال رنگ کی جیکٹ پہنی جبکہ شو سے قبل ساؤنڈ چیک ہوتاہے جس میں نے یہ سفید رنگ کی جیکٹ پہنی ہوئی تھی جس پر مختلف تصاویر بنی ہوئی ہیں ، جیکٹ پر ” بلے “ اور ” شیر“ کے نشان کی تصاویر بنی ہوئی ہیں ۔علی ظفر نے کہا کہ اسے کوئی سیاسی رنگ نہ دیا جائے اس جیکٹ پر مختلف نشانوں کی تصاویر ہیں اور میں نے کسی جماعت میں شمولیت اختیار نہیں کی ہے ۔