وزیراعلیٰ پنجاب چوہدری پرویز الٰہی کو راتوں رات ڈی نوٹیفائی کرنے کی اندرونی کہانی سامنے آگئی

لاہور (پی این آئی) وزیراعلیٰ پنجاب پرویز الٰہی کو کو ڈی نوٹیفائی کرنے کے نوٹیفکیشن کی اندورنی کہانی سامنے آگئی، ذرائع کے مطابق چیف سیکرٹری نے گورنر پنجاب کو خط لکھ کر مزید قانونی رائے مانگی اور مختلف آئینی و قانونی ماہرین سے بھی مشاورت کی پھر چیف سیکرٹری نے رات ساڑھے بارہ بجے کے قریب نوٹیفکیشن جاری کیا۔نجی ٹی وی نے ذرائع کے حوالے سے بتایا کہ چیف سیکرٹری عبداللہ سنبل کی جانب سے سوالات اٹھانے پرگورنر کا حکم روکا گیا، چیف سیکرٹری عبداللہ سنبل وزیراعلیٰ پنجاب سے رابطے میں رہے۔

ذرائع نے بتایا کہ وزیراعلیٰ پنجاب سے چیف سیکرٹری عبداللہ سنبل نے ملاقات بھی کی، چیف سیکرٹری نے منظوری دینے سے قبل وزیراعلیٰ کو آگاہ کیا، ذرائع کا کہنا ہےکہ گورنر پنجاب کا حکم نامہ 22 دسمبر کی دوپہر کو تیار کرلیا گیاتھا، گورنر پنجاب کے پرنسپل سیکرٹری نے چیف سیکرٹری کو متن سے آگاہ کیا۔خیال رہے کہ گزشتہ روز لاہور ہائیکورٹ نے پرویز الٰہی کی جانب سے بیان حلفی جمع کرانے کے بعد انہیں عہدے پر بحال کیا ہے۔