راولپنڈی (آئی این پی)چیف آف آرمی سٹاف جنرل قمر جاوید باجوہ نے کہاہے کہ ہمارے اصل ہیرویہ ہمارے شہید ہیں، یہ ہمارے غازی ہیں اور جو قومیں اپنے شہیدوں کو یا ہیروز کو بھول جاتی ہیں، وہ قومیں مٹ جایا کرتی ہیں،کوئی قوم، کوئی ملک اپنے شہدا کی قربانی کا صِلہ پیش نہیں کر سکتی۔ کوئی مادی قوت، دولت، پیسہ اس کا نعم البدل نہیں ہو سکتی،ہماری ذمہ داری ہے کہ ہم شہدا کے ورثا کی دیکھ بھال کریں، ان کی فیملی کی دیکھ بھال کریں، ان کی بیواں کی، ان کے والدین کی دیکھ بھال کریں، ان کے بچوں کی دیکھ بھال کریں،
جو انشا اللہ ہم کریں گے لیکن میں یہ مانتا ہوں کہ کوئی بھی دیکھ بھال اور کوئی بھی مراعات شہادت کا نعم البدل نہیں ہو سکتی، شہدا کے ورثا کو یقین دلاتا ہوں کہ انشا اللہ آپ کو کبھی مایوس نہیں کریں گے، دنیا مجھے کہتی ہے کہ پاک فوج واحد فوج ہے جس نے دہشتگردی کا خاتمہ کیا ہے،میں ہمیشہ بتاتا ہوں کہ ہمارے پاس ایسی مائیں ہیں جو اپنے لختِ جگر، ہماری ایسی بہنیں ہیں جو اپنے شوہر اور ایسے بچے ہیں جو اپنے والد اس ملک پر قربان کرنے کے لئے تیار رہتے ہیں اور جب تک ایسی ہماری مائیں اورہماری بہنیں موجود ہیں۔تو مجھے اس میں کوئی شک نہیں ہے کہ پاکستان کو کوئی نقصان نہیں پہنچا سکتا،بلوچستان میں ہیضہ پھیلاہوا ہے وہاں پر پانی کی کمی ہے اور وہاں پر فوج پہنچ کر ان لوگوں کی خدمت کر رہی ہے۔وہ بدھ کو جی ایچ کیو میں شہدا ء کے ورثاء اور غازیوں میں اعزازات تقسیم کرنے کی تقریب سے خطاب کرتے ہوئے چیف آف آرمی سٹاف نے کہاکہ شہدائے وطن کے عظیم ورثا، غازیوں، جنرل آفیسرز، آفیسرز، receipients of SI (M)اور میرے بہادر جوانوں السلام علیکم،آج ہم پھرماردرِ وطن پے قربان ہونے والے ہمارے بہادر جوانوں کی قربانی کااعتراف کرنے کیلئے یہاں اکٹھے ہوئے ہیں۔ان کو خراجِ تحسین پیش کرنے کیلئے اکٹھے ہوئے ہیں۔یہ پاکستان جو آج محفوظ ہے۔جہاں ہم رات کو آرام سے سوتے ہیں۔
یہ انہی آفیسرز، جے سی اوزاور جوانوں کے خون کی قربانی کے ذریعے ممکن ہوا ہے۔میں ہمیشہ یہ کہتا ہوں کہ ہمارے اصل ہیرویہ ہمارے شہید ہیں، یہ ہمارے غازی ہیں اور جو قومیں اپنے شہیدوں کو یا ہیروز کو بھول جاتی ہیں، وہ قومیں مٹ جایا کرتی ہیں۔ایک شہید جو ہے جب تک دنیا قائم ہے، اس کا نام ہمیشہ چمکتا رہے گا۔اس نے دنیا میں بھی اپنا نام کمالیا اور آخرت میں بھی اپنا نام کما لیا۔جیسا کہ فرمایا گیا ہے کہ شہید کے خون کا قطرہ گرنے سے پہلے ہی اس کی بخشش ہو جاتی ہے۔وہ نہ صرف اپنے آپ کو بخشوا لیتا ہے لیکن اپنے ورثا کیلئے بھی جنت کے راستے کھول دیتا ہے۔انہوں نے کہاکہ کوئی قوم، کوئی ملک اپنے شہدا کی قربانی کا صِلہ پیش نہیں کر سکتی۔ کوئی مادی قوت، دولت، پیسہ اس کا نعم البدل نہیں ہو سکتی۔ہماری ذمہ داری ہے کہ ہم شہدا کے ورثا کی دیکھ بھال کریں، ان کی فیملی کی دیکھ بھال کریں، ان کی بیواں کی، ان کے والدین کی دیکھ بھال کریں، ان کے بچوں کی دیکھ بھال کریں۔جو انشا اللہ ہم کریں گے۔ لیکن میں یہ مانتا ہوں کہ کوئی بھی دیکھ بھال اور کوئی بھی مراعات شہادت کا نعم البدل نہیں ہو سکتی۔ایک والد کیلئے، ایک والدہ کیلئے، جب تک وہ اس دنیا میں زندہ ہیں اور جب تک وہ اس دنیا سے نہیں جاتے، ان کا بچہ ان کی نظر کے سامنے ضرور روز آئے گا، روز ان کو یاد آئے گا۔ ایک بیوہ جس کا خاوند اس کے ہاتھ سے چلا گیا اور وہ بچے جن کے سر سے باپ کی شفقت اٹھ گئی ہے، ان کو بھی اس کی کمی ضرور محسوس ہو گی اور اس کا کوئی بھی نعم البدل نہیں ہو سکتا۔ لیکن میں کہتا ہوں کہ یہ ملک آپ لوگوں کی قربانیوں کی وجہ سے زندہ ہے اور میں آپ کو سلام پیش کرتا ہوں کہ آپ لوگوں کی قربانیوں کی وجہ سے آج پاکستان محفوظ ہے۔یہ فوج ہی ہے جو صبح سے لیکر شام تک پاکستان کے ہر چپہ، کیا سیلاب ہو، کیا طوفان ہو، کیازلزلہ ہو یا کووڈہو۔ہر جگہ فوج آپ کو ملے گی۔ کوئی حادثہ ہو فوج بتائے بغیر وہاں پر پہنچ جاتی ہے۔آرمی چیف نے کہاکہ آجکل بلوچستان میں کئی جگہ پر ہیضہ پھیلاہوا ہے وہاں پر پانی کی کمی ہے اور میرے بتائے بغیر وہاں پر فوج پہنچ کر ان لوگوں کی خدمت کر رہی ہے، صاف پانی مہیا کر رہی ہے۔اور ہم اپنی اس خدمت پر، اس کام پر ہم اپنا فخر محسوس کرتے ہیں۔میں اپنے شہدا کے ورثا کو یقین دلاتا ہوں کہ انشا اللہ آپ کو کبھی مایوس نہیں کریں گے۔جنرل قمر جاوید باجوہ نے کہاکہ دنیا مجھے کہتی ہے کہ یہ واحد فوج ہے جس نے دہشتگردی کا خاتمہ کیا ہے۔تو وہ یہ کیا کہتے ہیں کہ کیسے کیا آپ نے، باقی ملک فیل ہو گئے۔تو یہ کیا وجہ ہے کہ پاکستان میں ایسی کیا خوبی ہے؟ تو میں ہمیشہ بتاتا ہوں کہ ہمارے پاس ایسی مائیں ہیں جو اپنے لختِ جگر، ہماری ایسی بہنیں ہیں جو اپنے شوہر اور ایسے بچے ہیں جو اپنے والد اس ملک پر قربان کرنے کے لئے تیار رہتے ہیں اور جب تک ایسی ہماری مائیں اورہماری بہنیں موجود ہیں۔تو مجھے اس میں کوئی شک نہیں ہے کہ پاکستان کو کوئی نقصان نہیں پہنچا سکتا۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
